NMMS ഉത്തരസൂചിക പ്രസിദ്ധീകരിച്ചു

 ഇക്കഴിഞ്ഞ മാസം നടന്ന നാഷണല്‍ മീന്‍സ് കം മെറിറ്റ് സ്കോളര്‍ഷിപ്പ് (NMMS) പരീക്ഷയുടെ ഉത്തരസൂചികകള്‍ പരീക്ഷാഭവന്‍ പ്രസിദ്ധീകരിച്ചു. ഉത്തര സൂചിക ചുവടെ ലിങ്കില്‍. ഉത്തരസൂചികകളെ സംബന്ധിച്ച് പരീക്ഷാര്‍ഥികള്‍ക്കുള്ള പരാതികള്‍  താഴെ ലഭ്യമാക്കിയിരിക്കുന്ന മാതൃകാ ഫോറത്തില്‍ സമര്‍പ്പിക്കാവുന്നതാണ്. പരാതിക്ക് ആധാരമായ രേഖകള്‍ സഹിതം നിശ്ചിത മാതൃകയിലുള്ള പരാതികള്‍ 17.02.2021ന് വൈകിട്ട് 5നകം നേരിട്ടോ തപാല്‍മാര്‍ഗമോ പരീക്ഷാ സെക്രട്ടറി, പരീക്ഷാഭവന്‍, പൂജപ്പുര, തിരുവനന്തപുരം - 12 എന്ന വിലാസത്തില്‍ നല്‍കണം. വിശദാംശങ്ങളടങ്ങിയ സര്‍ക്കുലറും പരാതി അയക്കണ്ട മാതൃകാ ഫോമും ഉത്തരസൂചികയും ചുവടെ ലിങ്കുകളില്‍

• Click Here for NMMS Answer Key Circular
  
• Click Here for the Answer Key 
• MAT പരീക്ഷ ഉത്തരസൂചികയെക്കുറിച്ച് പരാതി നല്‍കുന്നതിനുള്ള ഫോര്‍മാറ്റ് ഇവിടെ 
• SAT പരീക്ഷ ഉത്തരസൂചികയെക്കുറിച്ച് പരാതി നല്‍കുന്നതിനുള്ള ഫോര്‍മാറ്റ് ഇവിടെ 

SSLC Staff Details Data Entry ഫെബ്രുവരി 12 നകം പൂര്‍ത്തിയാക്കുക

  SSLC പരീക്ഷാ ഡ്യൂട്ടിക്കായി ഗവ / എയ്ഡഡ് വിദ്യാലയങ്ങളിലെ എല്ലാ ജീവനക്കാരുടെയും വിശദാംശങ്ങള്‍ ശേഖരിക്കുന്നതിന് ജില്ലാ വിദ്യാഭ്യാസ ഓഫീസ് തയ്യാറാക്കിയ ഗൂഗിള്‍ ഫോം ലിങ്ക് ചുവടെ

CLICK HERE for STAFF DETAILS DATA ENTRY (SSLC 2021)

1. പ്രധാനാധ്യാപകന്‍, ഓഫീസ് ജീവനക്കാര്‍ , ഹൈസ്‍കൂളുകളിലെ LP, UP ഉള്‍പ്പെടെയുള്ള എല്ലാ ജീവനക്കാരുടെയും വിവരങ്ങള്‍ ഫോമില്‍ ഉള്‍പ്പെടുത്തണം
2. യു പി വിഭാഗത്തിലെ എല്ലാ അധ്യാപകരെയും UPST എന്നും LP വിഭാഗത്തിലെ അധ്യാപകരെ LPST എന്നും ചേര്‍ക്കുക. 
3. സബ്ജക്ട് എന്ന ഭാഗത്ത് യു പി വിഭാഗത്തിലെ എല്ലാ അധ്യാപകര്‍ UPST എന്നും LP വിഭാഗത്തിലെ അധ്യാപകര്‍ LPST എന്നും ചേര്‍ത്താല്‍ മതി
4. വിശദാംശങ്ങള്‍ ഉള്‍പ്പെടുത്തി എല്ലാ ജീവനക്കാരെയും ചേര്‍ത്ത് വിവരങ്ങള്‍ സമര്‍പ്പിക്കേണ്ട അവസാന തീയതി ഫെബ്രുവരി 12
   

SSLC Candidate Data Part Certificate View & Provisional A List Published

 മാർച്ചിലെ എസ്.എസ്.എൽ.സി. പരീക്ഷ പ്രൊവിഷണല്‍ 'എ ലിസ്റ്റ്'  പ്രസിദ്ധീകരിച്ചു. സമ്പൂര്‍ണ്ണയില്‍  പ്രധാനാധ്യാപകന്റെ ലോഗിനിലെ iExaMS എന്ന ലിങ്കിലൂടെ Provisional A List ഡൗണ്‍ലോഡ് ചെയ്യാവുന്നതാണ്. നിലവില്‍ പ്രഖ്യാപിച്ച സമയക്രമം അനുസരിച്ച് ഫെബ്ര‍ുവരി 9 മുതല്‍ 12 വരെ പ്രധാനാധ്യാപകര്‍ക്ക് തിരുത്തലിന് അവസരമുണ്ട്. തുടര്‍ന്ന് ഫെബ്രുവരി 16ന് A& B Listകള്‍ പ്രസിദ്ധീകരിക്കും. ഫെബ്രുവരി 17 മുതല്‍ 26 വരെ CE മാര്‍ക്ക് എന്‍ട്രിയും മാര്‍ച്ച് 10ന് ഹാള്‍ ടിക്കറ്റ് ഡൗണ്‍ലോഡ് ചെയ്യാനും സാധിക്കും

  ഇതോടൊപ്പം തന്നെ രക്ഷകര്‍ത്താക്കള്‍ക്കായി iExaMS വെബ്സൈറ്റിൽ കാന്റിഡേറ്റ് ഡാറ്റ പാർട്ട് സർട്ടിഫിക്കറ്റ് വ്യൂവും  (Candidate Data Part Certificate View)  ലഭിക്കും. ഇതിനായി ചുവടെ ലിങ്കില്‍ ലഭിക്കുന്ന പേജില്‍ വിദ്യാഭ്യാസജില്ലയും വിദ്യാലയവും തിരഞ്ഞെടുത്ത ശേഷം കുട്ടിയുടെ അഡ്‍മിഷന്‍ നമ്പരും ജനനതീയതിയും സ്കൂള്‍ രേഖകള്‍ പ്രകാരം നല്‍കി Show Candidate Details View എന്നതില്‍ ക്ലിക്ക് ചെയ്താല്‍ സര്‍ട്ടിഫിക്കറ്റിലെ കുട്ടിയുടെ Candidate Data Part ന്റെ Preview കാണാന്‍ സാധിക്കും

Click Here for Candidate Data Part Certificate View

Click Here for Revised Schedule for iExaMS Activities

എസ് എസ് എല്‍ സി ക്ലാസുകള്‍ പുതുക്കിയ മാര്‍ഗനിര്‍ദ്ദേശങ്ങള്‍

 

 

നമ്മുടെ വിദ്യാഭ്യാസ ജില്ലയിലെ എല്ലാ വിദ്യാലയങ്ങളും ഓരോ ദിവസത്തെയും പത്താം ക്ലാസ്സ് വിശദാംശങ്ങൾ അതത് ദിവസങ്ങളിൽ വൈകുന്നേരം 5 മണിക്ക് മുമ്പായി താഴെ നല്‍കിയിരിക്കുന്ന  ലിങ്കിലൂടെ  നൽകേണ്ടതാണ്

CLICK HERE for Daily Report of Tenth Class

മലപ്പുറം മാറഞ്ചേരി സ്കൂളിൽ കോവിഡ് വ്യാപിച്ച സാഹചര്യം കണക്കിലെടുത്തു DGE പ്രത്യേകമായി നൽകിയ നിദ്ദേശങ്ങൾ

1. ഒരു ബഞ്ചിൽ രണ്ടു കുട്ടികൾ മാത്രം എന്നത് കൃത്യമായി പാലിക്കുക...
2. അധ്യാപകരും വിദ്യാർത്ഥികളും മാസ്ക് (മൂക്കും വായും കവർ ചെയ്യുന്ന രീതിയിൽ )ധരിക്കുക.
3. കുട്ടികൾ കൂട്ടം കൂടാൻ അനുവദിക്കരുത്.
4. അധ്യാപകർ സ്റ്റാഫ് റൂമിൽ ഒരുമിച്ചു ഇടകലർന്നു ഇരിക്കരുത്.
5. ഒറ്റയ്ക്കു ഒറ്റയ്ക്ക് ഭക്ഷണം കഴിക്കുക.
6. സ്കൂളിന് സമീപം ബസ്സ്റ്റോപ്പിൽ കുട്ടികൾ കൂട്ടം കൂടാതെ നിൽക്കുന്നത്തിനു അധ്യാപകരെ/SPC  ചാർജ് ഏല്പിക്കുക.
7. കോവിഡ് സെൽ പ്രവർത്തനം കാര്യക്ഷമമാക്കുക.
8. ഇക്കാര്യത്തിൽ പോലീസ് നിരീക്ഷണം ഉണ്ടായിരിക്കും എന്നു പ്രത്യേകം ശ്രദ്ധിക്കുക.
9. മേല്പറഞ്ഞ നിർദ്ദേശങ്ങൾ കൃത്യമായി പാലിച്ചു കൊണ്ടു മാത്രം സ്കൂൾ പ്രവർത്തനം നടത്തുക.

Click Here for the Revised Guidelines

ഫസ്റ്റ്‌ബെല്ലിൽ ഇനി ഓഡിയോ ബുക്കുകളും ആംഗ്യ ഭാഷയിൽ പ്രത്യേക ക്ലാസുകളും

 പത്തിലെ മുഴുവൻ വിഷയങ്ങളുടേയും റിവിഷൻ പത്തു മണിക്കൂറിനുള്ളിൽ കേൾക്കാം

       കൈറ്റ് വിക്ടേഴ്‌സിലൂടെ സംപ്രേഷണം ചെയ്യുന്ന ഫസ്റ്റ്‌ബെൽ ഡിജിറ്റൽ ക്ലാസുകളുടെ തുടർച്ചയായി പൊതുപരീക്ഷയുള്ള 10, 12 ക്ലാസുകളിലെ റിവിഷൻ ഭാഗങ്ങൾ പ്രത്യേക ഓഡിയോ ബുക്ക് രൂപത്തിൽ കേരള ഇൻഫ്രാസ്ട്രക്ചർ ആൻഡ് ടെക്‌നോളജി ഫോർ എഡ്യൂക്കേഷൻ (കൈറ്റ്) പുറത്തിറക്കി. പത്താം ക്ലാസിലെ മുഴുവൻ വിഷയങ്ങളുടെയും റിവിഷൻ ക്ലാസുകൾ ആകെ പത്ത് മണിക്കൂറിനുള്ളിൽ കുട്ടികൾക്ക് കേൾക്കാൻ കഴിയുന്ന രൂപത്തിലുള്ള ഓഡിയോ ബുക്കുകൾ ഇന്ന് മുതൽ  firstbell.kite.kerala.gov.in ൽ ലഭ്യമാകുമെന്ന് കൈറ്റ് സി.ഇ.ഒ കെ. അൻവർ സാദത്ത് അറിയിച്ചു.
           ഓരോ വിഷയവും ശരാശരി ഒന്നര മണിക്കൂർ ദൈർഘ്യമുള്ള ക്‌ളാസുകളായാണ് ഒരുക്കിയിരിക്കുന്നത്. എംപി3 ഫോർമാറ്റിലുള്ള ഓഡിയോ ബുക്കുകൾ ഒരു റേഡിയോ പ്രോഗ്രാം പോലെ ശ്രവിക്കാനും വളരെയെളുപ്പം ഡൗൺലോഡ് ചെയ്യാനും സോഷ്യൽ മീഡിയ വഴി പങ്കുവയ്ക്കാനും കഴിയും. ആവശ്യമുള്ളവർക്ക് ഹൈടെക് പദ്ധതികളുടെ ഭാഗമായി സ്‌കൂളുകളിൽ ഒരുക്കിയിട്ടുള്ള ബ്രോഡ്ബാൻഡ് ഇന്റർനെറ്റ് സൗകര്യം പ്രയോജനപ്പെടുത്തി ഇവ ഡൗൺലോഡ് ചെയ്യാനാവും.
      ശ്രവണ പരിമിതരായ കുട്ടികൾക്കായി ആംഗ്യഭാഷയിൽ (സൈൻ ലാംഗ്വേജ് അഡാപ്റ്റഡ്) തയ്യാറാക്കിയ പ്രത്യേക ക്ലാസുകളും തയ്യാറായി. കേൾവി പരിമിതരായ 280-ഓളം കുട്ടികൾക്ക് അധ്യാപകരുടെ പ്രത്യേക ക്ലാസുകളാണ് സ്‌കൂളുകൾ കേന്ദ്രീകരിച്ച്  നൽകിവരുന്നത്. എന്നാൽ റിവിഷൻ ക്ലുാസുകൾ ഇവർക്ക് ഇനിമുതൽ പൊതുവായി കാണാനാകും. ഈ മേഖലയിലെ അധ്യാപകർക്ക് എസ്.സി.ഇ.ആർ.ടി സൈൻ അഡാപ്റ്റഡ് രീതിയിൽ പ്രത്യേക പരിശീലനം നൽകിയിട്ടുണ്ട്.
      നേരത്തെതന്നെ കാഴ്ചപരിമിതർക്ക് ഉപയോഗിക്കാനായി സ്വതന്ത്രസോഫ്റ്റ്‌വെയറിലുള്ള 'ഓർക്ക' സ്‌ക്രീൻ റീഡിംഗ് സോഫ്റ്റ്‌വെയർ കൈറ്റ് സ്‌കൂളുകളിലേക്കുള്ള ലാപ്‌ടോപ്പുകളിൽ ലഭ്യമാക്കിയിരുന്നു. അധ്യാപകർക്ക് പ്രത്യേക ഐ.സി.ടി. പരിശീലനം നൽകുകയും ചെയ്തിട്ടുണ്ട്.
     പൊതുവിഭാഗത്തിന് പുറമെ തമിഴ്, കന്നട മീഡിയം ക്ലാസുകൾ ഉൾപ്പെടെ 6300 ക്ലാസുകൾ (3150 മണിക്കൂർ) ഇതിനകം ഫസ്റ്റ്‌ബെല്ലിന്റെ ഭാഗമായി സംപ്രേഷണം ചെയ്തു. പ്രത്യേക പരിഗണന അർഹിക്കുന്ന വിദ്യാർത്ഥികൾക്കായി എസ്.എസ്.കെ-യുടെ വൈറ്റ്‌ബോർഡ് പദ്ധതിയും നിലവിലുണ്ട്. ഇതോടൊപ്പം ശ്രവണ പരിമിതിയുള്ളവർക്കും കാഴ്ച പരിമിതിയുള്ളവർക്കും പൊതുപരീക്ഷയെ അഭിമുഖീകരിക്കാൻ പ്രത്യേക സംവിധാനങ്ങൾ കൂടി ഒരുക്കിയതോടെ ഫസ്റ്റ്‌ബെല്ലിന്റെ ഭാഗമായി രാജ്യത്ത് പുതിയ മാതൃക സൃഷ്ടിക്കപ്പെട്ടിരിക്കുകയാണ്.

• CLICK HERE for KITE VICTERS Audio Revision Classes
• CLICK HERE for First Bell Revision  Videos

മൈനോരിറ്റി പ്രീമെട്രിക്ക് റീവേരിഫിക്കേഷന്‍ അഞ്ചിനകം പൂര്‍ത്തിയാക്കണം

 2020-21 വർഷത്തെ ന്യൂനപക്ഷ പ്രീമെട്രിക് സ്കോളർഷിപ്പിനുള്ള അപേക്ഷകളുടെ സ്കൂൾ ലെവൽ വെരിഫിക്കേഷൻ നടത്തുന്നതിനുള്ള സമയപരിധി  2021 ഫെബ്രുവരി 05 വരെയാണ്. പ്രസ്തുത സമയ പരിധി ദീർഘിപ്പിക്കാൻ കഴിയില്ലെന്ന് കേന്ദ്ര ന്യൂനപക്ഷ കാര്യ മന്ത്രാലയം അറിയിച്ചിട്ടുണ്ട്. ഈ സാഹചര്യത്തിൽ ടി സമയപരിധിക്ക് മുൻപ് നിർബന്ധമായും സ്കൂൾ ലെവൽ വെരിഫിക്കേഷൻ പൂർത്തിയാക്കാൻ നടപടി സ്വീകരിക്കണ്ടതാണ്. കുട്ടികൾ സമർപ്പിച്ച നാഷണൽ സ്കോളർഷിപ്പ് പോർട്ടലിലെ അപേക്ഷകൾ സകൂൾ ലെവൽ വെരിഫിക്കേഷൻ യഥാസമയം പൂർത്തിയാക്കാതിരുന്നാൽ, കുട്ടികൾക്ക് സ്കോളർഷിപ്പ് നഷ്ടമാകുമെന്നതിനാൽ സമയബന്ധിത നടപടികൾ  എല്ലാ പ്രധാന അദ്ധ്യാപകരും ബന്ധപ്പെട്ട വിദ്യാഭ്യാസ ഓഫീസർമാരും സ്വീകരിക്കേണ്ടതാണ്.

Click Here for the Instruction

സ്റ്റേറ്റ് നോഡൽ ഓഫീസർ
(സ്കോളർഷിപ്പ്)
പൊതുവിദ്യാഭ്യാസ ഡയറക്ടറുടെ കാര്യാലയം

പൊതുപരീക്ഷയ്ക്കുള്ള റിവിഷൻ ക്ലാസുകൾ കൈറ്റ് വിക്ടേഴ്‌സിൽ ഞായറാഴ്ച മുതൽ

           കൈറ്റ് വിക്ടേഴ്‌സ് ചാനലിലെ ഫസ്റ്റ്‌ബെൽ ഡിജിറ്റൽ ക്ലാസുകളിൽ പൊതുപരീക്ഷയ്ക്കുള്ള റിവിഷൻ ക്ലാസുകൾ ഞായറാഴ്ച ആരംഭിക്കുന്നു. രാവിലെ 8.30- ന് പ്ലസ്ടുവിനും 9.30-ന് പത്താംക്ലാസുകാർക്കുമുള്ള രണ്ട് ക്ലാസുകളാണ് സംപ്രേഷണം ചെയ്യുന്നത്. പുനഃസംപ്രേഷണം വൈകുന്നേരം 5.30-നും 6.30 നും. തിങ്കൾ മുതൽ വെള്ളി വരെ രാവിലെ എട്ട് മണിക്ക് പ്ലസ്ടുവിനും 8.30ന് പത്താം ക്ലാസിനും ഓരോ റിവിഷൻക്ലാസുകൾ വീതം സംപ്രേഷണം ചെയ്യും. ഇവയുടെ പുനഃസംപ്രേഷണം അതത് ദിവസം രാത്രി 8.00നും 8.30 നും. സമയക്രമവും ക്ലാസുകളും തുടർച്ചയായി ഫസ്റ്റ്‌ബെൽ പോർട്ടലിൽ firstbell.kite.kerala.gov.in പ്രസിദ്ധീകരിക്കും.

പത്താം ക്ലാസ് ഐ.ടി. പരീക്ഷക്കുള്ള ഡെമോ സോഫ്റ്റ്‌വെയർ പ്രസിദ്ധപ്പെടുത്തി

 ഈ വർഷത്തെ പത്താം ക്ലാസിലെ പൊതു പരീക്ഷക്കുള്ള പത്താമത്തെ പേപ്പറായ ഐ.ടി. പ്രായോഗിക പരീക്ഷ കുട്ടികളെ പരിശീലിപ്പിക്കുന്നതിനുള്ള ഡെമോ സോഫ്റ്റ്‌വെയർ കൈറ്റ് പ്രസിദ്ധപ്പെടുത്തി. എല്ലാ ഹൈസ്‌കൂളുകളുടേയും സമ്പൂർണ പോർട്ടലിലെ ലോഗിനിൽ സോഫ്റ്റ്‌വെയറും യൂസർഗൈഡും നിർദ്ദേശങ്ങളും ലഭ്യമാണ്. വിദ്യാലയ മേധാവി സമ്പൂർണയിൽ നിന്ന് ഇത് ഡൗൺലോഡ് ചെയ്ത് സ്‌കൂൾ ലാബിലെ കമ്പ്യൂട്ടറുകളിൽ ഇൻസ്റ്റാൾ ചെയ്ത് കുട്ടികളെ പരിശീലിപ്പിക്കേണ്ടതാണെന്ന് കൈറ്റ് ചീഫ് എക്‌സിക്യൂട്ടീവ് ഓഫീസർ കെ. അൻവർ സാദത്ത് അറിയിച്ചു.
ഐ.ടി. പ്രായോഗിക പരീക്ഷയിൽ നാല് മേഖലകളിൽ നിന്നും കുട്ടിക്ക് ഇഷ്ടമുള്ള രണ്ട് മേഖലകൾ തെരഞ്ഞെടുക്കാം. ഇപ്രകാരം തെരഞ്ഞെടുക്കുന്ന രണ്ട് മേഖലകളിൽ നിന്ന് ദൃശ്യമാകുന്ന രണ്ട് ചോദ്യങ്ങളിൽ ഓരോന്ന് വീതമാണ് കുട്ടി ചെയ്യേണ്ടത്. ഓരോ ചോദ്യത്തിനും 20 സ്‌കോർ വീതം 40 സ്‌കോറാണ് ലഭിക്കുക.
ഡിസൈനിംഗിന്റെ ലോകത്തേക്ക്, പ്രസിദ്ധീകരണത്തിലേക്ക്, പൈതൺ ഗ്രാഫിക്‌സ്, ചലന ചിത്രങ്ങൾ എന്നീ നാല് അധ്യായങ്ങളെ അടിസ്ഥാനമാക്കിയുള്ള 12 പ്രവർത്തനങ്ങൾ അടങ്ങുന്ന ചോദ്യബാങ്കും, പരിശീലിക്കുന്നതിനുള്ള റിസോഴ്‌സുകളും കൈറ്റ് വെബ്‌സൈറ്റിൽ (www.kite.kerala.gov.in) ലഭ്യമാക്കിയിട്ടുണ്ട്. കേൾവി പരിമിതിയുള്ള കുട്ടികളുടെ ഐ.ടി. പരീക്ഷയ്ക്കുള്ള ചോദ്യശേഖരവും പ്രത്യേകമായി വെബ്‌സൈറ്റിൽ ലഭ്യമാക്കിയിട്ടുണ്ട്. ഇവ ഡൗൺലോഡ് ചെയ്ത് കുട്ടികൾക്ക് പരിശീലിക്കാൻ കഴിയും.
ഫെബ്രുവരി രണ്ടാംവാരം ഐ.ടി. പ്രായോഗിക പരീക്ഷയുമായി ബന്ധപ്പെട്ട പ്രത്യേക ക്ലാസ് കൈറ്റ് വിക്ടേഴ്‌സിൽ സംപ്രേഷണം ചെയ്യും. കുട്ടികൾക്ക് ബുദ്ധിമുട്ടില്ലാത്തവിധവും ആത്മവിശ്വാസത്തോടെയും പരിശീലിക്കാനും പരീക്ഷയെഴുതാനും കഴിയുന്നവിധം ക്രമീകരണങ്ങൾ ഏർപ്പെടുത്തിയിട്ടുണ്ട്.

SSLC Model & Final (Revised) Time Table

 

2021 മാർച്ചിലെ എസ്.എസ്.എൽ.സി. പൊതു പരീക്ഷയുടെയും (പുതുക്കിയത്) മോഡൽ പരീക്ഷയുടെയും ടൈംടേബിൾ. 

Click Here for SSLC Model Exam Time Table

Click Here for SSLC Revised Time Table

LSS-USS പരീക്ഷകള്‍ ഏപ്രില്‍ 7ന്

2020-21 അക്കാദമിക് വർഷത്തെ എൽ എസ് എസ് / യു എസ് എസ് പരീക്ഷ 2021 ഏപ്രിൽ 7 ബുധനാഴ്ച നടത്തുന്നതാണ്. വിശദമായ ടൈംടേബിൾ, സിലബസ് എന്നിവ ഉൾക്കൊള്ളുന്ന വിജ്ഞാപനം 2021 ഫെബ്രുവരി 15 ന് പ്രസിദ്ധീകരിക്കുന്നതായിരിക്കും.

National Scholarship Portal Reverification

 നാഷണല്‍ സ്കോളര്‍ഷിപ്പ് പോര്‍ട്ടലില്‍ ലഭ്യമായ അപേക്ഷകള്‍ വിദ്യാര്‍ഥികളുടെ ഇന്‍കം സര്‍ട്ടിഫിക്കറ്റുകള്‍ വാങ്ങി അവയുമായി ഒത്ത് നോക്കിയതിന് ശേഷം റീവേരിഫിക്കേഷന്‍ നടത്തുന്നതിന് നിര്‍ദ്ദേശം ലഭ്യമായിട്ടുണ്ടല്ലോ. 2021 ഫെബ്രുവരി 5നകമാണ് അപേക്ഷകള്‍ റീവേരിഫൈ ചെയ്യേണ്ടത്. ലഭ്യമായ അപേക്ഷകളിലെ ഇന്‍കം സര്‍ട്ടിഫിക്കറ്റുമായി ഒത്ത് നോക്കി വ്യത്യാസം വന്നാല്‍ അപേക്ഷകളെ Defect ആയി അടയാളപ്പെടുത്തുകയും കുട്ടികള്‍ അവ വീണ്ടും ലോഗിന്‍ ചെയ്ത് അപകതകള്‍ പരിഹരിച്ച് പുതിയ പ്രിന്റൗട്ട് വിദ്യാലയത്തില്‍ നല്‍കുകയും വേണം . ഇവ പരിശോധിച്ച് നോഡല്‍ ഓപീസര്‍മാര്‍ വീണ്ടും വേരിഫൈ ചെയ്യണം. ഈ പ്രവര്‍ത്തനങ്ങള്‍ പൂര്‍ത്തീകരിക്കേണ്ട അവസാനദിവസം ഫെബ്രുവരി 5 ആണ്. ഇതുമായി ബന്ധപ്പെട്ട നിര്‍ദ്ദേശം ചുവടെ

Click Here for Re-verification Instructions