ഒ.ഇ.സി വിദ്യാഭ്യാസാനുകൂല്യം: സ്‌കൂളുകൾ വിവരങ്ങൾ ലഭ്യമാക്കണം

 സംസ്ഥാനത്തെ സർക്കാർ/ എയ്ഡഡ്/ അംഗീകൃത അൺ എയ്ഡഡ്/ സി.ബി.എസ്.ഇ, ഐ.സി.എസ്.ഇ അഫിലിയേറ്റഡ് സ്‌കൂളുകളിൽ ഒന്നു മുതൽ 10 വരെ ക്ലാസുകളിൽ പഠിക്കുന്ന ഒ.ഇ.സി വിദ്യാഭ്യാസാനുകൂല്യത്തിന് അർഹരായ വിദ്യാർഥികളുടെ വിവരങ്ങൾ സ്‌കൂൾ അധികൃതർ www.egrantz.kerala.gov.in ലൂടെ ജൂൺ 25 നകം പിന്നാക്ക വിഭാഗ വികസന വകുപ്പിന് ലഭ്യമാക്കണം. അർഹമായ തുക വിദ്യാർഥികളുടെ ബാങ്ക് അക്കൗണ്ടിലേക്ക് നൽകും. വിശദ വിവരങ്ങൾ  ഉൾക്കൊള്ളുന്ന സർക്കുലർ  ചുവടെ ലിങ്കിലും ഇ-ഗ്രാന്റ്‌സ് പോർട്ടലിലും   ലും പ്രസിദ്ധീകരിച്ചിട്ടുണ്ട്. കൂടുതൽ വിവരങ്ങൾക്ക് പിന്നാക്ക വിഭാഗ വികസന വകുപ്പിന്റെ മേഖലാ ഓഫീസുകളുമായി ബന്ധപ്പെടണം. ഫോൺ: എറണാകുളം മേഖലാ ഓഫീസ്-0484 2429130, കോഴിക്കോട് മേഖലാ ഓഫീസ്- 0495 2377786.

Click Here for the Circular 

Click Here for e-grantz Portal 

Click Here for OEC List 

OEC ആനുകൂല്യമുള്ള OBC വിഭാഗങ്ങളുടെ ലിസ്റ്റ് ഇവിടെ

 

ഗൂഗിള്‍ മീറ്റ് വഴി നടന്ന എച്ച് എം കോണ്‍ഫറന്‍സ് ഡോക്യുമെന്റേഷന്‍ 27-05-2021

 

02. 10 : എച്ച് എം ഫോറം കണ്‍വീനര്‍ ശ്രീ സുരേഷ് സര്‍ സ്വാഗതം ആശംസിച്ചു.

ഡി ഇ ഒ:

• DGEയോഗത്തില്‍ നല്‍കിയ നിര്‍ദ്ദേശങ്ങള്‍ പങ്കുവെക്കുന്നതാണ് ഈ യോഗം

• പുതിയഅദ്ധ്യയനവര്‍ഷത്തിന് തുടക്കം കുറിക്കാനായി വെര്‍ച്വല്‍ പ്രവേശനോല്‍സവം - മുഴുവന്‍ കുട്ടിള്‍ക്ക് ‍ പങ്കെടുക്കാന്‍ കഴിഞ്ഞില്ലെങ്കിലും പരിമിതികള്‍ക്കുള്ളില്‍നിന്നുകൊണ്ട് ചടങ്ങുകള്‍ക്ക് കുറവില്ലാതെ വെര്‍ച്വലായി സംഘടിപ്പിക്കേണ്ടതാണ്.

• ഇതിനായി സ്റ്റാഫ് മീറ്റിംഗ്, SRGയോഗം, PTA, SMCഎന്നിവരെ ഉള്‍പ്പെടുത്തി ആലോചനായോഗം നടത്തേണ്ടതാണ്. ‍

• സംസ്ഥാനതല പ്രവേശനോല്‍സവം 10 മണിക്കു്- അതിനുശേഷം പതിനൊന്നുമണിക്ക് സ്കൂള്‍ തല പ്രവേശനോല്‍സവം - ജനകീയമാക്കാന്‍ പ്രാദേശികരായ സാംസ്കാരിക പ്രവര്‍ത്തകര്‍, ജനപ്രതിനിധികള്‍ എന്നിവരെയും പ്രമുഖരുടെ ശബ്ദസന്ദേശങ്ങളും ഉള്‍പ്പെടുത്താം. പുതിയ കുട്ടികളുടെ ഫോട്ടോകള്‍ ശേഖരിച്ച് ആശംസാ കാര്‍ഡുകള്‍ തയ്യാറാക്കി അവരെ പരിചയപ്പെടുത്തുമ്പോള്‍ പ്രദര്‍ശിപ്പിക്കാം - കുട്ടികള്‍ക്കായിരിക്കണം പ്രാധാന്യം - ഓണ്‍ലൈന്‍ അസംബ്ലി നടത്താം - കുട്ടികളുടെ സര്‍ഗ്ഗാത്മകമായ പ്രവര്‍ത്തനങ്ങള്‍ പ്രദര്‍ശിപ്പിക്കാം.- കുട്ടികള്‍ക്ക് സാധ്യമാകുമെങ്കില്‍ വീടുകളില്‍ പ്രവേശനോല്‍സവം സംഘടിപ്പിക്കാം - പ്രീപ്രൈമറി ക്ലാസ്സുകള്‍ ഉണ്ടെങ്കില്‍ അവരെയും ഉള്‍പ്പെടുത്താം.

• ജൂണ്‍ ഒന്നിനുതന്നെ ഡിജിറ്റല്‍ ക്ലാസ്സ് റൂം തുടങ്ങുന്നതാണ്. ആദ്യത്തെ രണ്ടാഴ്ച Bridge course ആയാണ് നടത്തേണ്ടത് - ഇതിനുള്ള പരിശീലനം അദ്ധ്യാപകര്‍ക്ക് നല്‍കുന്നതായിരിക്കും - നിര്‍ദ്ദേശങ്ങള്‍ വരും - കുട്ടികള്‍ക്ക് മാനസിക പിന്തുണ നല്‍കണം -സമൂഹത്തോടുള്ള പ്രതിബദ്ധത മറന്നുകൂടാ. TV/Mobileഇല്ലാത്ത കുട്ടികളുടെ ലിസ്റ്റ് BRCകളില്‍ എത്തിക്കേണ്ടതാണ്. മുഴുവന്‍ അദ്ധ്യാപകരും പങ്കാളികളാകണം. - ഓരോ അദ്ധ്യാപകന്റേയും ഓരോ ക്ലാസ്സിന്റേയും പ്രവര്‍ത്തനങ്ങള്‍ കൃത്യമായി വിലയിരുത്തുന്നതാണ്.

• കുട്ടികളുടെ മികവുകളുടെ ശേഖരം തയ്യാറാക്കാം. മികവുകള്‍ രേഖപ്പെടുത്തുന്നതിന് അദ്ധ്യാപകര്‍ക്ക് ചാര്‍ജ്ജ് നല്‍കാവുന്നതാണ്. മികച്ചവ യുടെ വിശദാംശങ്ങള്‍ രേഖപ്പെടുത്തി നല്‍കിയതിന് DGE നേരിട്ട് അഭിനന്ദിക്കുന്നു എന്നത് ഒരു കുട്ടിക്ക് ലഭിക്കാവുന്ന ഏറ്റവും വലിയ പ്രോല്‍സാഹനമാണ്.

• സ്കൂള്‍ അദ്ധ്യാപകര്‍ നടത്തുന്ന ഓണ്‍ലൈന്‍ ക്ലാസ്സ് പ്രധാന അദ്ധ്യാപകര്‍ ശ്രദ്ധിക്കേണ്ടതാണ്.

• ജൂണ്‍ പത്തിനകം ഓണ്‍ലൈന്‍ അദ്ധ്യാപകസംഗമം നടത്തുന്നതാണ്.

• അദ്ധ്യാപകരുടെ കുറവുണ്ടങ്കില്‍ BRCയുമായി ബന്ധപ്പെടാം.

• സ്കൂള്‍ ക്യാമ്പസ് വൃത്തിയാക്കേണ്ടതാണ്.

• May30വരെ അഡ്മിഷന്‍ നല്‍കിയ കുട്ടികളുടെ ലിസ്റ്റ് തയ്യാറാക്കണം.

• TCനല്‍കുമ്പോള്‍ പ്രൊമോഷന്‍ നല്‍കിയ തിയ്യതി 25/05/2021എന്നാണ് നല്‍കേണ്ടത്.

DIET Faculty – രാമകൃഷ്ണന്‍ സര്‍:

• ഈ വര്‍ഷത്തെ ഓണ്‍ലൈന്‍ ക്ലാസ്സിനെക്കുറിച്ചുള്ള സംസ്ഥാനതല നിര്‍ദ്ദേശങ്ങള്‍ക്കനുസരിച്ചാവും പ്രവര്‍ത്തനങ്ങള്‍.

• തുടര്‍ന്ന് DIETന്റെ നേതൃത്വത്തില്‍ ഓണ്‍ലൈന്‍ ക്ലാസ്സ്, INTERBELLഎന്നിവയെക്കുറിച്ച് അദ്ധ്യാപകരുടെ അഭിപ്രായം, ഫീഡ്ബാക്ക് എന്നിവയുടെ വിവരശേഖരണം നടത്തിയതിന്റെ വിപുലമായ വിശകലനം പ്രസന്റേഷനായി സ്ക്രീനില്‍ പ്രദര്‍ശിപ്പിച്ചു. പ്രസ്തുത പ്രസന്റേഷന്‍ ഡി ഇ ഒ സര്‍ മുഖേന പ്രധാന അദ്ധ്യാപകര്‍ക്ക് ലഭ്യമാക്കാമെന്നറിയിച്ചു.

ഡി ഡി ഇ :

• പ്രവേശനോല്‍സവം ജനകീയമാക്കണം - മൂന്നു ലെവല്‍ ആണ് - സംസ്ഥാനതലം - സ്കൂള്‍ തലം - സാധിക്കുമെങ്കില്‍ വീടുകളില്‍

• ഇതിനായി പ്രധാന അദ്ധ്യാപകര്‍ സ്റ്റാഫ് മീറ്റിംഗ്, SRGയോഗം, നടത്തി PTA, SMCഎന്നിവരെ ഉള്‍പ്പെടുത്തി ആലോചനായോഗം നടത്തേണ്ടതാണ്. ‍

• ഇത്തവണ സ്കൂളിലെ അദ്ധ്യാപകര്‍ തന്നെ കുട്ടികള്‍ക്ക് ഓണ്‍ലൈന്‍ ക്ലാസ്സ് നല്‍കേണ്ടതാണ് -ഓണ്‍ലൈന്‍ ക്ലാസ്സിന്റെ ടൈം ടേബിള്‍ പ്രധാന അദ്ധ്യാപകന്‍ തയ്യാറാക്കേണ്ടതാണ് - കുട്ടികള്‍ക്ക് മാനസികോന്മേഷം നല്‍കുന്നതരത്തില്‍ ഇടപെടേണ്ടതാണ് - അദ്ധ്യാപകര്‍ ആരും തന്നെ വിട്ടുനില്‍ക്കരുത് - പ്രധാന അദ്ധ്യാപകന്‍, അദ്ധ്യാപകര്‍, സ്കൂളില്‍ എത്തേണ്ടതാണ്. കൂടുതല്‍ വിശദാംശങ്ങള്‍ പിന്നീട് അറിയിക്കുുന്നതാണ്.

• ഓരോ ക്ലാസ്സ് അദ്ധ്യാപകനും മെയ് 26 മുതല്‍ 30 വരെ കുട്ടികളെ വിളിച്ച് വിശദമായ റിപ്പോര്‍ട്ട് പ്രധാന അദ്ധ്യാപകന് നല്‍കണം - പ്രധാന അദ്ധ്യാപകന്‍ മെയ് 30 ന് വിദ്യാഭ്യാസ ഓഫീസര്‍മാര്‍ക്ക് നല്‍കേണ്ടതാണ്.

• മെയ് 19മുതല്‍ അഡ്മിഷന്‍ ആരംഭിച്ചതാണ്. May30വരെ അഡ്മിഷന്‍ നല്‍കിയ കുട്ടികളുടെ ലിസ്റ്റ് തയ്യാറാക്കണം.

• കോവിഡ് കാലത്തെ മികവുകള്‍ രേഖപ്പെടുത്തണം - അവ KITEമുഖേന DGEക്ക് ലഭ്യമാകുന്നതാണ്.

• ഭക്ഷ്യ കിറ്റ്, പുസ്തകം, യൂണിഫോം എന്നിവ കോവിഡ് മാനദണ്ഡങ്ങള്‍ അനുസരിച്ച് വിതരണം ചെയ്യേണ്ടതാണ്.

• കോവിഡ് മൂലം ഒറ്റപ്പെട്ട കുട്ടികളുണ്ടെങ്കില്‍ വിവരങ്ങള്‍ വിദ്യാഭ്യാസ ഓഫീസര്‍മാര്‍ക്ക് നല്‍കേണ്ടതാണ്.

പ്രധാന അദ്ധ്യാപകര്‍ ഉന്നയിച്ച എല്ലാ സംശയങ്ങള്‍ക്കും ബഹു. ഡിഡിഇ സംശയനിവാരണം നടത്തി.

സുജിത്ത് സര്‍ നന്ദി പ്രകാശിപ്പിച്ചതോടുകൂടി യോഗം 4.05 ന് സമാപിച്ചു.

Promotion , TC , Online Admission വിദ്യാലയങ്ങളില്‍ നടത്തേണ്ട തുടര്‍പ്രവര്‍ത്തനങ്ങള്‍

 

2021 മെയ് 21ന് നടന്ന പ്രധാനാധ്യാപകയോഗത്തിന്റെ അടിസ്ഥാനത്തില്‍ നടത്തേണ്ട പ്രവര്‍ത്തനങ്ങള്‍

1. പ്രമോഷന്‍

   1. സ്കൂള്‍ തലത്തില്‍ ഓരോ ക്ലാസിലെയും കുട്ടികളുടെ പേരുകള്‍ ഉള്‍പ്പെട്ട ലിസ്റ്റ് തയ്യാറാക്കി പേരിന് നേരെ Promotedഎന്നെഴുതി സ്കൂളില്‍ സൂക്ഷിക്കുക.(ഒരു കുട്ടിയെയും തോല്‍പ്പിക്കരുത്).മാതൃക ചുവടെ ക്ലാസ് ഡിവിഷന്‍

      
      

      Sl No	Admn No	Name Of Student	Promoted/Detained	Remerks
      			Promoted
      			Promoted
      			Promoted
      			Promoted

   2. 25ന് ഡി ഇ ഒ ഓഫീസില്‍ നിന്നും ലഭിക്കുന്ന Google Formല്‍ വിദ്യാലയത്തിലെ പ്രവേശനവുമായി ബന്ധപ്പെട്ട വിശദാംശങ്ങള്‍ രേഖപ്പെടുത്തി Submit ചെയ്യുക

   3. സമ്പൂര്‍ണ്ണയില്‍ പുതിയ ഡിവിഷന്‍ Create ചെയ്ത് കുട്ടികളെ ആ ഡിവിഷനുകളിലേക്ക് പ്രമോട്ട് ചെയ്യുക

   4. പ്രമോട്ട് ചെയ്ത വിവരം കുട്ടികളെ 26 മുതല്‍ 30 വരെ തീയതികളില്‍ ഫോണ്‍ വിളിക്കുമ്പോള്‍ അറിയിക്കുക

2. റിപ്പോര്‍ട്ട് തയ്യാറാക്കല്‍

   1. മെയ് 26 മുതല്‍ 30 വരെ തീയതികളില്‍ ഓരോ അധ്യാപകരും തങ്ങള്‍ പഠിപ്പിക്കുന്ന കുട്ടികളെ ഫോണില്‍ ബന്ധപ്പെട്ട് കുട്ടികളുടെ പഠന നിലവാരവും മാനസികവും വൈകാരികവുമായ പ്രശ്നങ്ങള്‍ ചോദിച്ചറിയുകയും അവ രേഖപ്പെടുത്തുകയും ചെയ്യുക..

Online School Admission & TC 2021-22

 

      ലോക്ക്‍ഡൗണ്‍ കാലത്തെ പ്രയാസങ്ങളും തിരക്കും ഒഴിവാക്കുന്നതിനായി സംസ്ഥാനത്തെ വിദ്യാലയങ്ങളിലേക്ക് ഓണ്‍ലൈനായി പ്രവേശന നടപടികള്‍ നടത്തുന്നതിന് വിദ്യാഭ്യാസ വകുപ്പ് അനുവാദം നല്‍കി. ഇതിന്റെ ഭാഗമായി സമ്പൂര്‍ണ വെബ്‍സൈറ്റിലൂടെ രക്ഷകര്‍ത്താക്കള്‍ക്ക് അവര്‍ക്ക് താല്‍പര്യമുള്ള വിദ്യാലയങ്ങളിലേക്ക് ഓണ്‍ലൈനായി അപേക്ഷ സമര്‍പ്പിക്കാവുന്നതാണ്. മെയ് 19മുതല്‍ ഒന്നാം ക്ലാസ് വിദ്യാര്‍ഥികളുടെയും തുടര്‍ന്ന്  ക്ലാസ് തല പ്രമോഷന്‍ നടപടികള്‍ പൂര്‍ത്തിയായ ശേഷം മെയ് 26 മുതല്‍ മറ്റ് ക്ലാസുകളുടെയും അഡ്‍മിഷന്‍ ആരംഭിക്കും. ഓണ്‍ലൈന്‍ അഡ്‍മിഷനുമായി ബന്ധപ്പെട്ട സര്‍ക്കുലറുകളും ഹെല്‍പ്പ് ഫയലുകളും കൈറ്റ് പുറത്തിറക്കിയത് ചുവടെ ലിങ്കുകളില്‍ .

    ഓണ്‍ലൈന്‍ മുഖേന ലഭിക്കുന്ന അപേക്ഷകളില്‍ പ്രധാനാധ്യാപകരുടെ ലോഗിന്‍ മുഖേന സമ്പൂര്‍ണ്ണയില്‍ പ്രവേശിച്ച് Willingness നല്‍കുകയും അവരെ താല്‍ക്കാലികമായി പ്രവേശനം നടത്തുകയും വേണം. ഏതെങ്കിലും കാരണവശാല്‍ അപേക്ഷ നിരസിച്ചാല്‍ നിരസിക്കുന്നതിനുള്ള കാരണം വ്യക്തമാക്കണം. വിദ്യാലയം സ്വീകരിക്കുന്ന നടപടി അപേക്ഷകന് Acknowledgement  ആയി മൊബൈലില്‍ ലഭിക്കും. ഓണ്‍ലൈന്‍ സംവിധാനം ലഭ്യമല്ലാത്ത വിദ്യാര്‍ഥികള്‍ക്ക് ഫോണിലൂടെ പ്രവേശനത്തിന് വേണ്ട സൗകര്യങ്ങള്‍ വിദ്യാലയം ഒരുക്കണം എന്നും സര്‍ക്കുലറില്‍ നിര്‍ദ്ദേശിച്ചിട്ടുണ്ട്

 

Click Here for DGE Circular on Promotion & Admission etc 

Click Here for KITE Circular 

Click Here for Video Tutorial for Online Application

സമഗ്ര ശിക്ഷാ കേരളം - പഠനമികവ് രേഖകള്‍

 

        ഈ വര്‍ഷത്തെ 1 മുതല്‍ 9 വരെയുള്ള ക്ലാസുകളുടെ പ്രമോഷന്‍ സംബന്ധിച്ച് സര്‍ക്കാര്‍ പുറത്തിറക്കിയ സര്‍ക്കുലറില്‍ വര്‍ഷാന്തവിലയിരുത്തല്‍ നടത്തേണ്ട രീതി വിശദമായി പ്രതിപാദിച്ചിട്ടുണ്ട്. അത് താഴെ നല്‍കുന്നു (സര്‍ക്കുലര്‍ ഇവിടെ)

         മേല്‍ സൂചിപ്പിച്ച മാതൃകയില്‍ പഠനമികവ് രേഖ ബി ആര്‍ സികള്‍ മുഖേന ഈയാഴ്ച വിദ്യാലയങ്ങളില്‍ എത്തുമെന്ന് പ്രതീക്ഷിക്കാം. നിലവില്‍ ഇവ സമഗ്രശിക്ഷാകേരളയുടെ സൈറ്റില്‍ നിന്നും ഡൗണ്‍ലോഡ് ചെയ്‍തെടുക്കാവുന്നതാണ്. ആവശ്യമെങ്കില്‍ കുട്ടികള്‍ക്ക് ഇവയുടെ സോഫ്റ്റ്‍കോപ്പില്‍ മുന്‍കൂട്ടി തന്നെ വാട്ട്‍സാപ്പ് ഗ്രൂപ്പുകളിലൂടെ നല്‍കി അവരെ സജ്ജരാക്കാനും സാധിക്കും. ഓരോ ക്ലാസിന്റെയും ലഭ്യമായപഠനമികവ് രേഖ (Activity Cards) ചുവടെ ലിങ്കുകളില്‍ ലഭിക്കും. മറ്റുള്ളവ പ്രസിദ്ധീകരിക്കുന്ന മുറക്ക് ഉള്‍പ്പെടുത്തുന്നതാണ്

ACTIVITY CARD

CLASS1	MALAYALAM MEDIUM	ENGLISH MEDIUM	TAMIL MEDIUM	KANNADA MEDIUM
CLASS2	MAL MEDIUM	ENG MEDIUM	TAMIL MEDIUM	KANNADA MEDIUM
CLASS3	MAL MEDIUM	ENG MEDIUM	TAMIL MEDIUM	KANNADA MEDIUM
CLASS4	MAL MEDIUM	ENG MEDIUM	TAMIL MEDIUM	KANNADA MEDIUM
CLASS5	MAL MEDIUM	ENG MEDIUM	TAMIL MEDIUM	KANNADA MEDIUM
CLASS6	MAL MEDIUM	ENG MEDIUM	TAMIL MEDIUM	KANNADA MEDIUM
CLASS7	MAL MEDIUM	ENG MEDIUM	TAMIL MEDIUM	KANNADA MEDIUM
CLASS8	MAL MEDIUM	ENG MEDIUM	TAMIL MEDIUM	KANNADA MEDIUM
CLASS9	MAL MEDIUM	ENG MEDIUM	TAMIL MEDIUM	KANNADA MEDIUM
	1-4 SANSKRIT	1-4 ARABIC	5-7 ARABIC	5-7 SANSKRIT

---

8, 9 ക്ലാസുകളുടെ പഠനമികവ് രേഖകള്‍ വിഷയാടിസ്ഥാനത്തില്‍ ശ്രീ പ്രമോദ് മൂര്‍ത്തി സാര്‍ വേര്‍തിരിച്ചെടുത്തത്

Class 8

Mal01 Mal02   Eng Hin    

Subjects Malayalam Medium

SS  Phy  Che Bio Maths   IT

Subjects English Medium  

SS     Phy Che Bio  Maths   IT

Class 9

ഭാഷാവിഷയങ്ങള്‍

Mal01 Mal02    Eng Hin

Subjects Malayalam Medium 

SS       Phy Che Bio    Maths    IT

 Subjects English Medium  

SS   Phy Che Bio     Maths     IT

ഫസ്റ്റ്‌ബെല്ലിൽ 5,6 ക്ലാസുകൾ വെള്ളിയാഴ്ച പൂർത്തിയാകും

     കൈറ്റ് വിക്ടേഴ്‌സ് ചാനലിലൂടെ ജൂൺ ഒന്നു മുതൽ ആരംഭിച്ച ഫസ്റ്റ്‌ബെൽ ഡിജിറ്റൽ ക്ലാസുകളിൽ അഞ്ച്, ആറ് ക്ലാസുകൾ ഏപ്രിൽ 23 വെള്ളിയാഴ്‍ച സംപ്രേഷണം പൂർത്തിയാകും. ഏഴും ഒൻപതും ക്ലാസുകൾ ചൊവ്വാഴ്ചയും മറ്റു ക്ലാസുകൾ ഏപ്രിൽ 30-നും പൂർത്തിയാകും.
    പ്ലസ് വണ്ണിൽ മുഴുവൻ കുട്ടികളും പഠിക്കുന്ന ഇംഗ്ലീഷും ഏറ്റവും കൂടുതൽ കുട്ടികൾ പഠിക്കുന്ന വിഷയ വിഭാഗമായ ഇക്കണോമിക്‌സും ഹിസ്റ്ററിയും 22ന് സംപ്രേഷണം പൂർത്തിയായി. അടുത്തയാഴ്ചയോടെ ബിസിനസ് സ്റ്റഡീസ് ക്ലാസുകളും പൂർണമാകും.
   മറ്റ് പ്ലസ് വൺ ക്ലാസുകൾ മെയ് മാസത്തോടെ പൂർത്തിയാക്കും. പൊതുപരീക്ഷ പ്രഖ്യാപിക്കുന്നതനുസരിച്ച് പ്രത്യേക റിവിഷൻ ക്ലാസുകളുടെ സംപ്രേഷണവും ഓഡിയോ ബുക്കുകളും പ്ലസ് വൺ ക്ലാസുകൾക്ക് ആരംഭിക്കുമെന്ന് കൈറ്റ് സി.ഇ.ഒ. കെ.അൻവർ സാദത്ത് അറിയിച്ചു.
ഫസ്റ്റ്‌ബെൽ ക്ലാസുകളുടെ തുടർച്ചയായി ഒന്നു മുതൽ ഒൻപതുവരെയുള്ള ക്ലാസുകളിൽ  വർഷാന്ത വിലയിരുത്തലിനായി മുഴുവൻ കുട്ടികൾക്കും പഠന മികവു രേഖകൾ ലഭ്യമാക്കുമെന്ന് പൊതുവിദ്യാഭ്യാസ ഡയറക്ടർ അറിയിച്ചിട്ടുണ്ട്.  ഇവയിൽ നിഷ്‌കർഷിച്ചിട്ടുള്ള പ്രവർത്തനങ്ങൾ കുട്ടികൾ പൂർത്തിയാക്കി സമർപ്പിക്കുന്നതിനനുസരിച്ചാണ് അധ്യാപകർ മൂല്യനിർണയം നടത്തുക.  മെയ് 20 നകം ഇപ്രകാരം വർഷാന്ത വിലയവിലയിരുത്തൽ നടത്തി സ്‌കൂളുകൾ പ്രൊമോഷൻ ലിസ്റ്റ് പ്രസിദ്ധീകരിക്കണമെന്നും അറിയിച്ചിട്ടുണ്ട്.
    പ്രീ-പ്രൈമറി കുട്ടികൾക്കുള്ള കിളിക്കൊഞ്ചൽ ക്ലാസുകൾ മെയ് മാസവും തുടരും. ഇതിനുപുറമെ ശാസ്ത്രം, പരിസ്ഥിതി, മാനസികാരോഗ്യം, സാങ്കേതികവിദ്യ, കലാ-കായിക വിദ്യാഭ്യാസം തുടങ്ങിയ വിവിധ മേഖലകളുമായി ബന്ധപ്പെട്ട പ്രത്യേക പരിപാടികളും കൈറ്റ് വിക്ടേഴ്‌സിൽ  മെയ് മാസം സംപ്രേഷണം ചെയ്യും.

NMMS പ്രൊവിഷണല്‍ ലിസ്റ്റ് പ്രസിദ്ധീകരിച്ചു- മെയ് 5നകം വേരിഫൈ ചെയ്യണം

 2020 വര്‍ഷത്തെ നാഷണല്‍ മെറിറ്റ് - കം- മീന്‍സ് സ്കോളര്‍ഷിപ്പ് പരീക്ഷ എഴുതിയ വിദ്യാര്‍ഥികളില്‍ അര്‍ഹരായ കുട്ടികളുടെ പ്രൊവിഷണല്‍ സെലക്ട്  ലിസ്റ്റ് / പ്രൊവിഷണല്‍ വെയ്റ്റിങ്ങ് ലിസ്റ്റ് പ്രസിദ്ധീകരിച്ചു. hhttp://nmmse.kerala.gov.in/school എന്ന ലിങ്കിലൂടെ പ്രധാനാധ്യാപകരുടെ ലോഗിനില്‍ നിന്നും ലിസ്റ്റ് ലഭ്യമാകും.Provisional Selection List, Scholarship Waiting List എന്നീ 2 മെനുകള്‍ പരിശോധിക്കണം. ഈ ലിസ്റ്റില്‍ ലഭ്യമായ വിദ്യാര്‍ഥികളുടെ വിശദാംശങ്ങള്‍ പേരിന് നേരെയുള്ള Verify ബട്ടണ്‍ ക്ലിക്ക് ചെയ്യുമ്പോള്‍ ലഭിക്കുന്ന വിശദാംശങ്ങള്‍ ശരിയാണോ എന്ന് പരിശോധിച്ച് മെയ് 5ന് വൈകിട്ട് അഞ്ച് മണിക്ക് മുമ്പായി വേരിഫൈ ചെയ്യണം. എല്ലാ വിവരങ്ങളും ശരിയെങ്കില്‍ Verified and Found Correct എന്ന ബട്ടണും തിരുത്തല്‍ ആവശ്യമുണ്ടെങ്കില്‍  Verifiedand Need Correction എന്ന ബട്ടണം അമര്‍ത്തണം. തിരുത്തല്‍ ആവശ്യമുള്ള കുട്ടികളുടെ തിരുത്തലിനുള്ള അപേക്ഷ ഓണ്‍ലൈനായി ഈ പേജിലെ ലിങ്കിലൂടെ അനുബന്ധരേഖകള്‍ സഹിതം (പി ഡി എഫ് രൂപത്തില്‍ ഒറ്റ ഫയലാക്കി) അപ്‍ലോഡ് ചെയ്യണം. വിശദവിവരങ്ങളടങ്ങിയ സര്‍ക്കുലര്‍ ചുവടെ

Click Here for the Circular

Click Here for School Level Verification Link

INDIVIDUAL RESULTS HERE

SSLC പരീക്ഷാ നടത്തിപ്പുമായി ബന്ധപ്പെട്ട പുതിയ നിര്‍ദ്ദേശങ്ങള്‍

 

സംസ്ഥാനത്തെ എസ്.എസ്.എല്‍.സി/ഹയര്‍സെക്കണ്ടറി/വൊക്കേഷണല്‍ ഹയര്‍ സെക്കണ്ടറി പൊതുപരീക്ഷകളുടെ നടത്തിപ്പിനോടനുബന്ധിച്ച് പാലിക്കപ്പെടേണ്ട കോവിഡ് സുരക്ഷാ മാനദണ്ഡങ്ങള്‍ ഉള്‍ക്കൊള്ളിച്ചുകൊണ്ടുള്ള മാര്‍ഗ്ഗനിര്‍ദ്ദേശങ്ങള്‍ എല്ലാ വിദ്യാഭ്യാസ ഓഫീസര്‍മാര്‍ക്കും ചീഫ് സൂപ്രണ്ടുമാര്‍ക്കും പരീക്ഷയ്ക്കുമുമ്പായി നല്‍കുകയും, നിര്‍ദ്ദേശങ്ങള്‍ പൂര്‍ണ്ണമായും പാലിച്ചുകൊണ്ട് പരീക്ഷകള്‍ തുടര്‍ന്നു വരുകയും ചെയ്യുന്നു. കോവിഡ് സുരക്ഷാ മാനദണ്ഡങ്ങള്‍ പാലിക്കുന്നതിന്‍റെ ഭാഗമായി പരീക്ഷാ കേന്ദ്രങ്ങളില്‍ വിദ്യാര്‍ത്ഥികള്‍ സാമൂഹിക അകലം പാലിച്ച് പരീക്ഷ പൂര്‍ത്തീകരിക്കുന്നതിനുള്ള മുന്‍കരുതലുകള്‍ കൈകൊണ്ടിട്ടുള്ളതാണ്. പരീക്ഷാ കേന്ദ്രങ്ങളില്‍ എത്തിച്ചേരുന്ന അദ്ധ്യാപക - അനദ്ധ്യാപക ജീവനക്കാര്‍, നിശ്ചയമായും ട്രിപ്പിള്‍ ലെയര്‍ മാസ്ക് ഉപയോഗിക്കേണ്ടതാണെന്നും വിദ്യാര്‍ത്ഥികള്‍ കഴിയുന്നതും ട്രിപ്പിള്‍ ലെയര്‍ മാസ്ക് ഉപയോഗിക്കുന്നുണ്ടെന്നത് ചീഫ് സൂപ്രണ്ടുമാര്‍ ഉറപ്പുവരുത്തുവാനും നിര്‍ദ്ദേശം നല്‍കിയിട്ടുണ്ട്. ഐ.ആര്‍ തെര്‍മോമീറ്റര്‍ ഉപയോഗിച്ച് ശരീരോഷ്മാവ് പരിശോധിച്ച് വിദ്യാര്‍ത്ഥികളെ സ്കൂള്‍ കോമ്പൗണ്ടിനുള്ളിലേയ്ക്ക് കടത്തുവാനും, ഇവര്‍ക്കായി സാനിറ്റൈസര്‍/സോപ്പ് എന്നിവയുടെ ലഭ്യത ഓരോ പരീക്ഷാ കേന്ദ്രത്തിലും ഉറപ്പുവരുത്തുവാനും ചീഫ് സൂപ്രണ്ടുമാര്‍ നടപടികള്‍ സ്വീകരിച്ചിട്ടുണ്ട് കോവിഡ് പോസിറ്റീവായ വിദ്യാര്‍ത്ഥികളുടെ ഉത്തരക്കടലാസുകള്‍ പ്രത്യേകമായി സ്വീകരിച്ച് മൂല്യനിര്‍ണ്ണയ ക്യാമ്പിലേയ്ക്ക് അയക്കുവാനുള്ള സംവിധാനവും ഏര്‍പ്പെടുത്തിയിട്ടുണ്ട്. കോവിഡ് പോസിറ്റീവായ വിദ്യാര്‍ത്ഥികള്‍, ക്വാറന്‍റൈനിലുള്ള വിദ്യാര്‍ത്ഥികള്‍, ശരീരോഷ്മാവ് കൂടിയവര്‍ എന്നിവര്‍ക്ക് പ്രത്യേകം പ്രത്യേകം ക്ലാസുകളില്‍ പരീക്ഷ എഴുതുന്നതിനുള്ള ക്രമീകരണങ്ങള്‍ സ്കൂള്‍ തലങ്ങളില്‍ സജ്ജീകരിച്ചിട്ടുണ്ട്. പരീക്ഷാ കേന്ദ്രത്തിലേയ്ക്ക് വിദ്യാര്‍ത്ഥികള്‍ക്ക് എത്തിച്ചേരുവാനുള്ള ഗതാഗത സൗകര്യം ഉറപ്പുവരുത്തുവാന്‍ പ്രഥമാദ്ധ്യാപകര്‍ നടപടികള്‍ സ്വീകരിച്ചിട്ടുണ്ട്. ഓരോ പരീക്ഷ കഴിയുമ്പോഴും പരീക്ഷാ ഹാളുകള്‍ സാനിറ്റൈസ് ചെയ്ത് അടുത്ത പരീക്ഷയ്ക്കായി ഹാളുകള്‍ സജ്ജീകരിക്കുവാന്‍ ആവശ്യമായ നടപടികള്‍ ചീഫ് സൂപ്രണ്ടുമാര്‍ കൈകൊണ്ടിട്ടുണ്ട്. ഓരോ വിദ്യാലയത്തിലും കോവിഡ് സുരക്ഷാ മാനദണ്ഡങ്ങള്‍ പൂര്‍ണ്ണമായും പാലിച്ച് പരീക്ഷ അതീവ സുരക്ഷയോടുകൂടി നടപ്പിലാക്കുന്നതിന് വിദ്യാലയാടിസ്ഥാനത്തില്‍ മൈക്രോപ്ലാന്‍ രൂപീകരിച്ച് പരീക്ഷാ പ്രവര്‍ത്തനങ്ങള്‍ സജീവമായി മുന്നോട്ടുപോകുന്നു. സംസ്ഥാനതലത്തിലും റവന്യൂ ജില്ലാ, വിദ്യാഭ്യാസ ജില്ലാതലത്തിലും രൂപീകരിച്ചിട്ടുള്ള വിദ്യാഭ്യാസ ഓഫീസര്‍മാരുടെ മോണിറ്ററിംഗ് ടീം ഓരോ വിദ്യാലയത്തിലും പരീക്ഷയോടനുബന്ധിച്ച് നടപ്പിലാക്കിയിട്ടുള്ള കോവിഡ് സുരക്ഷാ മാനദണ്ഡങ്ങള്‍ പരിശോധിച്ച് ആവശ്യമായ നിര്‍ദ്ദേശങ്ങളും സഹായങ്ങളും ചീഫ് സൂപ്രണ്ടുമാര്‍ക്ക് നല്‍കി വരുന്നു. ഇതോടൊപ്പം ഓരോ പരീക്ഷാകേന്ദ്രത്തിലും കോവിഡ് മാനദണ്ഡങ്ങള്‍ പൂര്‍ണ്ണതോതില്‍ പാലിക്കപ്പെടുന്നതിന് ആരോഗ്യ പ്രവര്‍ത്തകരുടെയും സന്നദ്ധ സംഘടനകളുടെയും പി.ടി.എ/എസ്.എം.സി തുടങ്ങിയവയുടെയും പൂര്‍ണ്ണതോതിലുള്ള സാന്നിദ്ധ്യവും സഹകരണവും ലഭ്യമാകുന്നുണ്ട്.

Click Here for New Guidelines

Click Here for Press Release

SSLC/THSLC പരീക്ഷാ മൂല്യനിർണയം: അധ്യാപകർക്ക് അപേക്ഷിക്കാം

 

    2021 SSLC/THSLC പരീക്ഷയുടെ ഉത്തരപേപ്പറുകളുടെ മൂല്യനിർണ്ണയം നടത്തുന്നതിന് അധ്യാപകരിൽ നിന്ന് അപേക്ഷ ക്ഷണിച്ചു. SSLC പരീക്ഷ മൂല്യനിർണ്ണയത്തിന് HSTമാർക്ക് ഏപ്രിൽ 24 വരെ അപേക്ഷിക്കാം. പ്രഥമാദ്ധ്യാപകർ  iExaMS പോർട്ടലിൽ HM Login  വഴി അപേക്ഷകളുടെ വിവരങ്ങൾ പരിശോധിച്ച് 22ന്  Confirm ചെയ്യണം. സ്‌കൂളുകളിലെ യോഗ്യരായ എല്ലാ അദ്ധ്യാപകരും അപേക്ഷ നൽകിയെന്ന് പ്രഥമാദ്ധ്യാപകൻ ഉറപ്പുവരുത്തണം. റ്റി.എച്ച്.എസ്.എൽ.സി പരീക്ഷ മൂല്യനിർണ്ണയത്തിന് ടെക്‌നിക്കൽ ഹൈസ്‌കൂൾ അദ്ധ്യാപകർക്ക് 21 വരെ അപേക്ഷിക്കാം. പ്രഥമാദ്ധ്യാപകർ  iExaMS  പോർട്ടലിൽ  SUPDT/PRINCIPAL Login വഴി അപേക്ഷകൾ പരിശോധിച്ച് 22ന്  Confirm ചെയ്യണം. 

Click Here to download the Valuation Circular(SSLC) 

Click Here to download the Valuation Circular(THSLC)  

Click Here for the List of Valuation Centres  

Click Here for Valuation Application Form

SSLC 2021 INSTRUCTIONS TO INVIGILATORS

 

എസ് എസ് എല്‍ സി പരീക്ഷക്ക് മുന്നോടിയായി നടത്തുന്ന മീറ്റിങ്ങില്‍ ഇന്‍വിജിലേറ്റര്‍മാര്‍ക്ക് നല്‍കാനുള്ള നിര്‍ദ്ദേശങ്ങള്‍

1. എട്ടാം തീയതി ഉച്ചക്ക് പരീക്ഷ ആരംഭിക്കും. ആദ്യമൂന്ന് ദിവസങ്ങളില്‍ ഉച്ചക്ക് ശേഷവും തുടര്‍ന്നുള്ള ദിവസങ്ങളില്‍ രാവിലെയും ആണ് പരീക്ഷ

2. ഡ്യൂട്ടിക്ക് നിയോഗിക്കുന്ന ഇന്‍വിജിലേറ്റര്‍മാരില്‍ ആരെയും പൂര്‍ണ്ണമായി ഡ്യൂട്ടിയില്‍ നിന്നും ഒഴിവാക്കില്ല എല്ലാവര്‍ക്കും ചുരുങ്ങിയത് 2 ഡ്യൂട്ടിയെങ്കിലും നല്‍കണം. പരീക്ഷാ ദിവസങ്ങളില്‍ ഒരു മണിക്കൂര്‍ മുമ്പെങ്കിലും ഇന്‍വിജിലേറ്റര്‍മാര്‍ എത്തണം

3. ഒമ്പതാം തീയതി വെള്ളിയാഴ്ച്ച ഉച്ചക്ക് പരീക്ഷ ആരംഭിക്കുന്നത് 2.40നാണ്. മറ്റ് ദിവസങ്ങളില്‍ ഉച്ചക്ക് 1.40നും . രാവിലെ പരീക്ഷ നടക്കുന്ന ദിവസങ്ങളില്‍ 9.40 ന് പരീക്ഷ ആരംഭിക്കും . എല്ലാ പരീക്ഷകള്‍ക്കും കൂള്‍ ഓഫ് സമയം 20 മിനിട്ട് ആണ്

4. പരീക്ഷക്ക് വരുന്ന ഇന്‍വിജിലേറ്റര്‍മാര്‍ അവരുടെ അടുത്ത ബന്ധുക്കള്‍ ആരും ഈ കേന്ദ്രത്തില്‍ പരീക്ഷ എഴുതുന്നില്ല എന്ന ഡിക്ലേറേഷന്‍ നല്‍കണം.

5. അധ്യാപകര്‍ രാവിലെ പരീക്ഷ ഉള്ള ദിവസങ്ങളില്‍ 9.30നും ഉച്ചക്ക് പരീക്ഷ ഉള്ളദിവസങ്ങളില്‍ 1.30നും ക്ലാസ് മുറികളില്‍ എത്തണം

6. കുട്ടികളുടെ ഹാള്‍ ടിക്കറ്റ് പരിശോധിച്ച് അവര്‍ കൃത്യസ്ഥാനങ്ങളിലാണ് ഇരിക്കുന്നത് എന്നുറപ്പാക്കണം

7. കുട്ടികള്‍ മാസ്‍ക് ധരിച്ചിട്ടുണ്ടെന്നും കോവിഡ് മാനദണ്ഡങ്ങള്‍ പാലിക്കുന്നു എന്നും ഉറപ്പാക്കണം. പരസ്പരം പേന , പെന്‍സില്‍ തുടങ്ങി യാതൊന്നും കൈമാറ്റം ചെയ്യാന്‍ അനുവദിക്കരുത്

8. ഈ വര്‍ഷം കുട്ടികളെ കൊണ്ട് അറ്റന്‍ഡന്‍സ് ഷീറ്റില്‍ ഒപ്പ് ഇടീക്കേണ്ടതില്ല. പകരം ഇന്‍വിജിലേറ്റര്‍മാര്‍ അറ്റന്‍ഡന്‍സ് ഷീറ്റില്‍ P എന്ന് രേഖപ്പെടുത്തിയാല്‍ മതി

9. തുടര്‍ന്ന് വിദ്യാര്‍ഥികള്‍ക്ക് മോണോഗ്രാം പതിപ്പിച്ച മെയിന്‍ഷീറ്റ് നല്‍കുക. കുട്ടികള്‍ക്ക് നല്‍കുന്നതിന് മുമ്പ് ഇന്‍വിജിലേറ്റര്‍മാര്‍ ഒപ്പിടുക. കുട്ടികള്‍ അത് പൂരിപ്പിക്കുന്നതിന് വേണ്ട നിര്‍ദ്ദേശങ്ങള്‍ നല്‍കുകയും അവര്‍ പൂരിപ്പിച്ചത് ശരിയാണെന്ന് ഉറപ്പാക്കുകയും ചെയ്യുക

10. അഡീഷണല്‍ ഷീറ്റുകളും ഇന്‍വിജിലേറ്റര്‍മാര്‍ ഒപ്പിട്ടു നല്‍കുകയും ഇവയില്‍ രജിസ്റ്റര്‍ നമ്പര്‍ എഴുതാന്‍ കുട്ടികളോട് ആവശ്യപ്പെടുകയും ചെയ്യണം. ഓരോ അഡീഷണല്‍ ഷീറ്റിലും പേജ് നമ്പര്‍ ഇടുന്നത് അവസാനം അവ ക്രമത്തില്‍ അടുക്കുന്നതിന് സഹായകരമാകും എന്നതിനാല്‍ നമ്പറും ഇടാന്‍ നിര്‍ദ്ദേശിക്കുക

11. ചോദ്യപേപ്പറുകള്‍ റൂമുകളിലെത്തിയാല്‍ അവ അന്നേദിവസത്തെ തന്നെയെന്നുറപ്പാക്കി ഇന്‍വിജിലേറ്റര്‍മാര്‍ പാക്കറ്റ് തുറന്ന് കുട്ടികള്‍ക്ക് വിതരണം ചെയ്യുക

12. ചോദ്യപേപ്പര്‍ ലഭിച്ചാലുടന്‍ അതിലെ ഓരോ ഷീറ്റിലും രജിസ്റ്റര്‍ നമ്പരും പേരും എഴുതാന്‍ കുട്ടികളോട് ആവശ്യപ്പെടുക

13. ആദ് 20 മിനിട്ട് കൂള്‍ ഓഫ് സമയം ആണെന്നും ഈ സമയും ഉത്തരങ്ങള്‍ എഴുതരുത് എന്നും ചോദ്യങ്ങള്‍ വായിച്ച് മനസിലാക്കുന്നതിന് ഉപയോഗിക്കണം എന്നും നിര്‍ദ്ദേശിക്കുകയും അത് പാലിക്കുന്നു എന്നുറപ്പാക്കുകയും ചെയ്യണം

14. ഉത്തരം എഴുതുന്നതിനുള്ള ബെല്ലിന്റെ സമയത്ത് അതിനുള്ള നിര്‍ദ്ദേശം നല്‍കണം. ഓരോ അര മണിക്കൂര്‍ ഇടവിട്ട് ബെല്ലുകള്‍ ഉണ്ടാവും. പരീക്ഷ അവസാിക്കുന്നതിന് 5 മിനിട്ട് മുമ്പ് വാണിങ്ങ് ബെല്ലും അടിക്കും

15. പരീക്ഷാ സമയം കഴിയുന്നത് വരെ കുട്ടികളെ എഴുതാന്‍ അനുവദിക്കണം. സമയം അവസാനിച്ചാല്‍ ഉത്തരക്കടലാസുകള്‍ ക്രമമായി ചേര്‍ത്ത് തുന്നിക്കെട്ടാനും ആകെ അഡീഷണല്‍ ഷീറ്റുകളുടെ എണ്ണം രേഖപ്പെടുത്താനും പറയണം

16. പരീക്ഷ അവസാനിച്ച ശേഷം ഉത്തരക്കടലാസിന്റെ അവസാനം മോണോഗ്രാം പതിപ്പിച്ചിരുന്നു. കോവിഡിന്റെ സാഹചര്യത്തില്‍ ഇപ്രാവശ്യം ഇത് ഒഴിവാക്കിയിട്ടുണ്ട്. എന്നാല്‍ ഏറ്റവും അവസാന പേജിലെ എഴുതി അവസാനിപ്പിച്ചതിന് താഴെയായി വിദ്യാര്‍ഥികള്‍ ഡബിള്‍ലൈന്‍ വരച്ച് അതിന് താഴെയായി ക്യാന്‍സെല്‍ഡ് എന്നെഴുതണം

17. പ്രത്യേകമായി സജ്ജീകരിച്ചിരിക്കുന്ന റൂമിലെ കുട്ടികളുടെ ഉത്തരക്കലാസുകള്‍ ചീഫ് സൂപ്രണ്ട് നല്‍കുന്ന പ്ലാസ്റ്റിക്ക് കവറില്‍ പ്രത്യേകം ശേഖരിക്കണം. ഇവ പ്രത്യേകം സി വി കവറിലാക്കി അയക്കേണ്ടതാണ്

18. കുട്ടികള്‍ക്ക് ലേബല്‍ ഇല്ലാത്ത ബോട്ടിലുകളില്‍ വെള്ളം കൊണ്ട് വരാവുന്നതാണ്.

19. പരീക്ഷാ റൂമില്‍ ഏതെങ്കിലും തരത്തിലുള്ള ക്രമക്കേട് കണ്ടെത്തി പിടിച്ചാല്‍ കുട്ടിയുടെയും ഇന്‍വിജിലേറ്ററുടെയും ഡിക്ലറേഷന്‍ വാങ്ങണം. കൂടാതെ അടുത്തിരിക്കുന്ന രണ്ട് കുട്ടികളില്‍ നിന്നും എഴുതി വാങ്ങണം

20. പരീക്ഷാ ആനുകൂല്യത്തില്‍ Extra Time ആനുകൂല്യം മാത്രം ലഭിച്ചവരെ സാധാരണ കുട്ടികളുടെ റൂമിലാണ് ഇരുത്തേണ്ടത്.ഇവര്‍ക്ക് ഓരോ മണിക്കൂറിനും 10 മിനിട്ട് വീതം അധികസമായമായി നല്‍കണം

21. സ്ക്രൈബ് ആനുകൂല്യം ലഭിച്ച കുട്ടികളെ പ്രത്യേകം മുറിയിലാണ് ഇരുത്തേണ്ടത്. ഒരു മുറില്‍ പരമാവധി 10 പേരെ ഇരുത്താം

22. സ്ക്രൈബ്, ഇന്റര്‍പ്രട്ടര്‍ ഇവരെ യാതൊരു കാരണവശാലും ഒരേ മുറിയില്‍ ഇരുത്തരുത്

23. മറ്റ് മുറികളില്‍ ഇരുത്തുന്ന (സ്ക്രൈബ്, ഇന്റര്‍പ്രട്ടര്‍ ) കുട്ടികള്‍ക്ക് അവരുടെ യഥാര്‍ഥമുറിയിലെ പാക്കറ്റില്‍ നിന്നും ആണ് ചോദ്യപേപ്പര്‍ ശേഖരിച്ച് നല്‍കേണ്ടത്

    Click Here for the Instructions in pdf Format  

    Click Here for Exam Day activities