എസ് എസ് എല്‍ സി ഫലം - ജില്ലക്ക് മികച്ച വിജയം

 2020-21 അധ്യയനവര്‍ഷത്തെ എസ് എസ് എല്‍ സി ഫലപ്രഖ്യാപനം നടത്തിയപ്പോള്‍ പാലക്കാട് ജില്ലയും പാലക്കാട് വിദ്യാഭ്യാസജില്ലയും മുന്നേറ്റം നടത്തി. റവന്യൂ ജില്ലയില്‍ പരീക്ഷ എഴുതിയ 38770 പേരില്‍ 38518 പേരെയും വിജയിപ്പിച്ച് 99.35% ആയി പാലക്കാട് ജില്ല പത്താം സ്ഥാനത്ത് ആണ്. ജില്ലയില്‍ പരീക്ഷ എഴുതിയവരില്‍ 2623 ആണ്‍കുട്ടികളും 6460പെണ്‍കുട്ടികളും ഉള്‍പ്പെടെ 9083 പേര്‍ക്ക് എല്ലാ വിഷയത്തിനും എ പ്ലസ് ലഭിച്ചു. 

     വിദ്യാഭ്യാസ ജില്ലകളില്‍ 17661 കുട്ടികള്‍ പരീക്ഷ എഴുതിയതില്‍ 17505 വിദ്യാര്‍ഥികള്‍ ഉപരിപഠനത്തിന് അര്‍ഹത നേടി പാലക്കാട് വിദ്യാഭ്യാസ ജില്ല മുപ്പത്തിയഞ്ചാം സ്ഥാനത്താണ്. 99.12% വിജയം നേടിയ പാലക്കാട് വിദ്യാഭ്യാസജില്ലയില്‍ 4069 വിദ്യാര്‍ഥികള്‍ക്ക് എല്ലാ വിഷയത്തിനും എ പ്ലസ് ലഭിച്ചു. പാലക്കാട് വിദ്യാഭ്യാസജില്ലയിലെ ആകെയുള്ള 106 ഹൈസ്കൂളുകളില്‍ 64 വിദ്യാലയങ്ങളില്‍ സമ്പൂര്‍ണവിജയം ആണ്. ഇതില്‍ 25 എണ്ണം ഗവ സ്കൂളുകളും 18 എയ്ഡഡ് സ്കൂളുകളും 21 അണ്‍ എയ്ഡഡ് വിദ്യാലയങ്ങളുമാണ്. അണ്‍ എയ്ഡഡ് വിദ്യാലയങ്ങള്‍( ആകെ 1577 കുട്ടികള്‍)  എല്ലാം 100% വിജയം നേടിയപ്പോള്‍ എയ്ഡഡ് വിദ്യാലയങ്ങളില്‍ (ആകെ പരീക്ഷ എഴുതിയത് 8740 കുട്ടികള്‍ ) 26 വിദ്യാലയങ്ങള്‍ക്കും ഗവ വിദ്യാലയങ്ങളില്‍ (ആകെ പരീക്ഷ എഴുതിയത് 7344 കുട്ടികള്‍ ) 15 സ്കൂളുകള്‍ക്കും 100% കൈവരിക്കാന്‍ സാധിക്കാതെ പോയത് ഒന്നോ രണ്ടോ കുട്ടികള്‍ മാത്രം പരാജയപ്പെട്ടത് മൂലമാണ്. വിദ്യാഭ്യാസജില്ലയില്‍ ഏറ്റവും അധികം കുട്ടികളെ പരീക്ഷക്കിരുത്തിതും (904 കുട്ടികള്‍) എല്ലാ വിഷയത്തിനും A+ നേടിയ ( 371 കുട്ടികള്‍) കൂടുതല്‍ കുട്ടികളുള്ള വിദ്യാലയം മോയന്‍സ് സ്കൂള്‍ ആണ്. 

സബ്‍ജില്ലാടിസ്ഥാനത്തിലുള്ള വിജയനിലവാരം ചുവടെ പട്ടികയില്‍

Sub District	Schools	Govt	Aided	Un-Aided	Appeaerd	EHS	%	Full A+
ALATHUR	17	4	12	1	3621	3608	99.64	979
KUZHALMANNAM	10	7	2	1	1499	1490	99.4	295
CHITTUR	25	11	9	5	3209	3166	98.66	627
KOLLENGODE	17	7	7	3	3129	3067	98.02	564
PALAKKAD	28	10	10	8	4670	4642	99.4	1266
PARALI	8	1	4	3	1533	1532	99.93	338
TOTAL	105	40	44	21	17661	17505	99.12	4069

വിദ്യാഭ്യാസ ജില്ലയുടെ വിജയശതമാനം വര്‍ദ്ധിപ്പിക്കുന്നതിനും നിലവാരം മെച്ചപ്പെടുത്തുന്നതിനും പരിശ്രമിച്ച ജില്ലാ വിദ്യാഭ്യാസ ഓഫീസറായിരുന്ന ഷാജിമോന്‍ സാറിനും പ്രധാനാധ്യാപകര്‍ക്കും അധ്യാപകര്‍ക്കും വിദ്യാര്‍ഥികള്‍ക്കും അഭിനന്ദനങ്ങള്‍

Digital Devises Data Collection ജൂലൈ 15നകം പൂര്‍ത്തിയാക്കണം

ഡിജിറ്റല്‍ ഉപകരണങ്ങളുടെ വിവരശേഖരണവുമായി ബന്ധപ്പെട്ട പ്രധാനാധ്യാപകയോഗം ഇന്നലെ (ചൊവ്വ) നടന്നു. ബഹു പാലക്കാട് വിദ്യാഭ്യാസ ജില്ല ഉപഡയറക്ടര്‍ ശ്രീ കൃഷ്ണന്‍ സാര്‍ ജില്ലാ വിദ്യാഭ്യാസ ഓഫീസര്‍ ശഅരീ ഷാജിമോന്‍ സാര്‍ എന്നിവര്‍ പങ്കെടുത്ത യോഗത്തില്‍ ഇതുമായി ബന്ധപ്പെട്ട് നിര്‍ദ്ദേശങ്ങള്‍ പ്രധാനാധ്യാപകര്‍ക്ക് നല്‍കി. 

       ഡിജിറ്റല്‍ ഉപകരണങ്ങളുടെ വിവരശേഖരണം സ്കൂള്‍തലത്തില്‍ നടത്തി ജൂലൈ 15ന് സ്കൂള്‍തലത്തില്‍ ക്രോഡീകരിക്കാന്‍ നിര്‍ദ്ദേശം നല്‍കിയിട്ടുണ്ടല്ലോ. ഇതുമായി ബന്ധപ്പെട്ട് ഒരു കുട്ടിയെ ഒരു യൂണിറ്റ് എന്ന നിലയിലാണ് കണക്കാക്കേണ്ടത് അതായത് വിദ്യാലയത്തിലെ എല്ലാ വിദ്യാര്‍ഥികള്‍ക്കും സ്കൂള്‍ സമയങ്ങളില്‍ ക്ലാസുകള്‍ എടുത്താല്‍ ക്ലാസുകള്‍ കാണുന്നതിന് സൗകര്യം ഉണ്ടാവണം. ഇതിനായി സമ്പൂര്‍ണ ഡാഷ്ബോര്‍ഡില്‍ DIGITAL DEVICES - Availability എന്ന ലിങ്ക് ഉള്‍പ്പെടുത്തിയിട്ടുണ്ട്. അതില്‍ പ്രവേശിച്ച് ക്ലാസ് , ഡിവിഷന്‍ ഇവ തിരഞ്ഞെടുക്കുമ്പോള്‍ ആ ഡിവിഷനിലെ കുട്ടികളുടെ പേരുകള്‍ ദൃശ്യമാകും അതില്‍ നിലവില്‍ സ്വന്തമായി (അതായത് പകല്‍സമയങ്ങളിലുള്‍പ്പെടെ ക്ലാസുകള്‍ നടത്തുമ്പോള്‍ കാണാന്‍ സൗകര്യമില്ലാത്ത കുട്ടികളുടെ) ഓരോ കുട്ടിയുടെ പേരിന് നേരെ മൂന്ന് ചതുരക്കള്ളികള്‍ ഉള്ളതില്‍ അനുയോജ്യമായത് തിരഞ്ഞെടുക്കണം. ഒരു വീട്ടില്‍ ഒന്നിലധികം കുട്ടികള്‍ഉണ്ടെങ്കില്‍ ഓരോ കുട്ടിക്കും പ്രത്യേകം പ്രത്യകം സൗകര്യം വേണ്ടി വരും

നിലവില്‍ ഉപകരണം ഇല്ല എന്നാല്‍ സ്വന്തമായി വാങ്ങാന്‍ ശേഷിയുള്ള കുടുംബത്തിലെ കുട്ടി എങ്കില്‍ അവരെ ഒന്നാമത്തെ കോളത്തില്‍ ടിക്ക് നല്‍കുക

സാമ്പത്തികശേഷി കുറഞ്ഞതും എന്നാല്‍ ലോണ്‍സൗകര്യം ലഭ്യമാക്കിയാല്‍ തിരിച്ചടവ് നടത്താന്‍ പ്രാപ്തരായവരെങ്കില്‍ അവരെയാണ് രണ്ടാമത്തെ കോളത്തില്‍ ഉള്‍പ്പെടുത്തേണ്ടത്

മേല്‍ പറഞ്ഞ രണ്ട് വിഭാഗത്തിലും ഉള്‍പ്പെടാത്തതും പൊതുസമൂഹത്തിന്റെ സഹായത്തോടെ മാത്രം ഡിജിറ്റല്‍ ഉപകരണങ്ങള്‍ വാങ്ങാന്‍ സാധിക്കൂ എന്ന് ഉറപ്പുള്ളരവരെയാണ് മൂന്നാമത്തെ ഗണത്തില്‍ പെടുത്തേണ്ടത്. 

ഓരോ ഡിവിഷനിലെയും വിദ്യാര്‍ഥികളുടെ വിവരങ്ങള്‍ ഉള്‍പ്പെടുത്തി അത് സേവ് ചെയ്യുകയും എല്ലാ വിദ്യാര്‍ഥികളുടെയും വിശദാംശങ്ങള്‍ ചേര്‍ത്തതിന് ശേശം Consolidation എന്ന ലിങ്കില്‍ പ്രവേശിച്ച് വിവരങ്ങള്‍ പ്രധാനാധ്യാപകന്‍ Conform ചെയ്യണം. നിലവില്‍ ഈ സൗകര്യം ഉള്ള വിദ്യാര്‍ഥികളുടെ വിവരങ്ങള്‍ ചേര്‍ക്കണം എന്നില്ല എന്നതാണ് ഇന്നലെ പുതുതായി സമ്പൂര്‍ണ്ണയില്‍ വന്നിരുക്കുന്ന മെസേജ് കൊണ്ട് ഉദ്ദേശിക്കുന്നത്. ഇതുമായി ബന്ധപ്പെട്ട സര്‍ക്കുലറും യൂസര്‍ ഗൈഡും ചുവടെ ലിങ്കുകളില്‍

Click Here for the Circular

Click Here for the User Guide

SSLC ഫലം പ്രഖ്യാപിച്ചു . മൂന്ന് മണി മുതല്‍ സൈറ്റുകളില്‍ ലഭിക്കും

         2021ലെ SSLC പരീക്ഷാഫലം പൊതുവിദ്യാഭ്യാസ വകുപ്പ് മന്ത്രി വി. ശിവൻകുട്ടി പ്രഖ്യാപിക്കും. മൂന്ന് മണി മുതല്‍ താഴെ ലിങ്കുകളില്‍ നിന്നും ഫലം അറിയാന്‍ സാധിക്കും വിജയശതമാനം ഏറ്റവും കൂടുതല്‍ കണ്ണൂര്‍ ജില്ലയിലും കുറവ് വിജയശതമാനം വയനാട്ടിലും . കൂടുതലുള്ള വിദ്യാഭ്യാസ ജില്ല പാലയും കുറവ് വയനാട്ടിലും.ഏറ്റവും കൂടുതല്‍ എ+ ലഭിച്ചത് മലപ്പുറം ജില്ലയില്‍. 2214 വിദ്യാലയങ്ങളില്‍ എല്ലാ വിദ്യാര്‍ഥികളും ഉപരിപഠനത്തിന് അര്‍ഹത നേടി. 121348 കുട്ടികള്‍ക്ക് എല്ലാ വിഷയത്തിനും എ പ്ലസ്

:

1. ഉത്തരക്കടലാസുകളുടെ പുനര്‍മൂല്യനിര്‍ണയത്തിന് 17/7/2021 മുതല്‍ 23/7/2021 വരെ ഓണ്‍ലൈനായി അപേക്ഷിക്കാം
2.  സേ പരീക്ഷാ പരമാവധി മൂന്ന് വിഷയങ്ങള്‍ക്ക് വരെ അപേക്ഷിക്കാം. സേ പരീക്ഷാ തീയതി പിന്നീട്

ഷാജിമോന്‍ സാറിന് എച്ച് എം ഫോറം യാത്രയയപ്പ് നല്‍കി

 

     പാലക്കാട് ജില്ലാ വിദ്യാഭ്യാസ ഓഫീസര്‍ സ്ഥാനത്ത് നിന്നും ഒറ്റപ്പാലം ഡി ഇ ഒ ആയി സ്ഥലം മാറിപ്പോകുന്ന ശ്രീ ഷാജിമോന്‍ സാറിന് എച്ച് എം ഫോറം പാലക്കാട് യാത്രയയപ്പ് നല്‍കി . പാലക്കാട് ബി ഇ എം സ്‍കൂളില്‍ നടന്ന പ്രധാനാധ്യാപകയോഗത്തില്‍ ജില്ലാ വിദ്യാഭ്യാസ ഉപഡയറക്‍ടര്‍ ശ്രീ പി കൃഷ്ണന്‍ സാര്‍ മുഖ്യാതിഥിയായിരുന്നു. വിദ്യാഭ്യാസ ജില്ലയിലെ ഒരു വര്‍ഷ കാലയളവില്‍ ശ്രീ ഷാജിമോന്‍ സാര്‍ നടത്തിയ പ്രവര്‍ത്തനങ്ങളെ ചടങ്ങില്‍ സംസാരിച്ച ജില്ലാ വിദ്യാഭ്യാസ ഉപഡയറക്ടറും പ്രധാനാധ്യാപകരും അനുസ്‍മരിച്ചു. എച്ച് എം ഫോറത്തിന്റെ ഉപഹാരം വിദ്യാഭ്യാസ ഉപഡയറക്ടര്‍ സമ്മാനിച്ചു.ചടങ്ങില്‍ എച്ച് എം ഫോറം സെക്രട്ടറി ശ്രീ സുരേഷ് സാര്‍ സ്വാഗതവും ശ്രീ സുജിത്ത് സാര്‍ നന്ദിയും പ്രകാശിപ്പിച്ചു

     യാത്രയയപ്പ് യോഗത്തിന് മുന്നോടിയായി നടന്ന പ്രധാനാധ്യാപകയോഗത്തില്‍ ഡിജിറ്റല്‍ ഉപകരണങ്ങളുടെ വിവരശേഖരണവുമായി ബന്ധപ്പെട്ട് സമ്പൂര്‍ണ്ണയില്‍ നടത്തേണ്ട പ്രവര്‍ത്തനങ്ങളെക്കുറിച്ച് ഡി ഡി ഇ ശ്രീ കൃഷ്‍ണന്‍ സാറും ഡി ഇ ഒ ശ്രീ ഷാജിമോന്‍ സാറും വിശദീകരിച്ചു. ഇതുമായി ബന്ധപ്പെട്ട് പ്രധാനാധ്യാപകരുടെ സംശയങ്ങള്‍ക്ക് മറുപടി നല്‍കുകയും സമയബന്ധിതമായി പ്രവര്‍ത്തനം പൂര്‍ത്തീകരിക്കുന്നതിന് നിര്‍ദ്ദേശം നല്‍കുകയും ചെയ്‍തു

തീരുമാനങ്ങള്‍

• ഡിജിറ്റല്‍ വിവരശേഖരണത്തിന് ആവശ്യമായ വിവരങ്ങള്‍ 15ന് വൈകുന്നേരം അഞ്ച് മണിക്കകം സമ്പൂര്‍ണ്ണയില്‍ നല്‍കണം
• കണ്‍സോളിഡേറ്റ് ചെയ്ത വിവരങ്ങളുടെ ഒരു പകര്‍പ്പ് ബന്ധപ്പെട്ട പഞ്ചായത്തിന് നല്‍കണം
• ഇതുമായി ബന്ധപ്പെട്ട് ഡി ഇ ഒയില്‍ നിന്നും നല്‍‍കുന്ന ഗൂഗിള്‍ ഫോമില്‍ വിവരങ്ങള്‍ നല്‍കണം
• എസ് ടി വിഭാഗം കുട്ടികളുടെ ഒഴികെയുള്ള വിശദാംശങ്ങളാണ് നല്‍കേണ്ടത്
• എല്ലാ വിദ്യാര്‍ഥികള്‍ക്കും പഠനാവശ്യത്തിനായി ഡിജിറ്റല്‍ ഉപകരണങ്ങള്‍ ഉണ്ടാവത്തക്ക വിധത്തിലാണ് വിവരങ്ങള്‍ നല്‍കേണ്ടത്
• ഇതിനാവശ്യമായ വിശദാംശങ്ങള്‍ ക്ലാസ് അധ്യാപകരില്‍ നിന്നും ശേഖരിച്ച് പ്രധാനാധ്യാപകര്‍ സൂക്ഷിക്കണം
• സ്വന്തമായി ഇപകരണങ്ങളില്ലാത്തവരയും വാങ്ങാന്‍ ശേഷിയില്ലാത്തവരെയുമാണ് മൂന്നാമത്തെ ഗ്രൂപ്പില്‍ ഉള്‍പ്പെടുത്തേണ്ടത്
  

ജൂലൈ 4 DEO Conference തീരുമാനങ്ങള്‍

 

DEO Conference ജൂലൈ 4 ഞായര്‍ സമയം 3 മണി

അധ്യക്ഷന്‍ ഡി ഇ ഒ ശ്രീ ഷാജിമോന്‍ സാര്‍

സ്വാഗതം സുരേഷ് സാര്‍

• ഓണ്‍ലൈന്‍ ക്ലാസ് പ്രതികരണങ്ങള്‍ എങ്ങനെ നല്‍കണം എന്നതിലെ ആശയക്കുഴപ്പം പരിഹരിക്കണം

• അധ്യാപകരുടെ ഗ്രൂപ്പില്‍ വരുന്ന മെസേജുകളുടെ ബാഹുല്യം പലപ്പോഴും പ്രധാന മെസ്സേജുകള്‍ ശ്രദ്ധയില്‍പ്പെടാതെ പോകുന്നു.ഇതിന് പരിഹാരമായി 2 വ്യത്യസ്ഥഗ്രൂപ്പുകള്‍ ആരംഭിക്കാനും നിലവിലുള്ള പ്രധാനാധ്യാപകരെ മാത്രം നിലനിര്‍ത്തി ഗ്രൂപ്പുകള്‍ ഉടച്ച് വാര്‍ക്കുക

• ഗൂഗിള്‍ ഫോമുകള്‍ പല വിദ്യാലയങ്ങളും സമയബന്ധിതമായി നല്‍കാത്തത് ഏറെ പ്രയാസം സൃഷ്ടിക്കുന്നു

• വിവരാവകാശത്തിന് മറുപടി നല്‍കുന്നതും എസ് ടി വിഭാഗത്തിന്റെ സമ്പൂര്‍ണ്ണ ഡേറ്റാ എന്‍ട്രിയും പൂര്‍ത്തീകരിക്കണം

ഡി ഇ ഒ ഷാജിമോന്‍ സാര്‍

1. ഓണ്‍ലൈന്‍ ക്ലാസ് 10,11,12 ക്ലാസുകളുടെ സ്കൂള്‍തലത്തിലുള്ള ഓണ്‍ലൈന്‍ പഠനപ്രവര്‍ത്തനങ്ങള്‍ താമസിയാതെ ആരംഭിക്കും.

2. ഓണ്‍ലൈന്‍ പഠനത്തിനാവശ്യമായ ഉപകരണങ്ങള്‍ എത്ര കുട്ടികള്‍ക്ക് ലഭ്യമാണ് . ഏത്ര ആവശ്യമാണ് എന്നീ വിവരങ്ങള്‍ എപ്പോഴും തയ്യാറായിരിക്കണം

3. ഓണ്‍ലൈന്‍ ക്ലാസുകളുടെ അറ്റന്‍ഡന്‍സ് അധ്യാപകര്‍ സൂക്ഷിക്കുകയും അധ്യാപരുടെ താല്‍ക്കാലിക  അറ്റന്‍ഡന്‍സ് രജിസ്റ്റര്‍ സൂക്ഷിക്കണം. 

4. ഓരോ ദിവസത്തെ ഓണ്‍ലൈന്‍ പ്രവര്‍ത്തനങ്ങളുടെ വിവരശേഖരണം കൃത്യമായ രീതിയില്‍ നടത്തേണ്ടതുണ്ട്. ഇതുമായി ബന്ധപ്പെട്ട ആശങ്കകള്‍ പരിഹരിക്കുന്നതിനുള്ള നിര്‍ദ്ദേശങ്ങള്‍ ഡയറ്റ് പ്രതിനിധികള്‍ വിശദീകരിക്കും

5. പ്രവേശനോല്‍സവവും ദിനാചരണങ്ങളും എല്ലാ വിദ്യാലയങ്ങളും മികച്ച രീതിയില്‍ നടത്തി

6. ഡേറ്റാ കളക്ഷന് തയ്യാറാക്കുന്ന ഗൂഗിള്‍ ഫോമില്‍ പല വിദ്യാലയങ്ങളും സമയബന്ധിതമായി നല്‍കുന്നില്ല. ഇത് ശരിയായ പ്രവണതയല്ല. അതിനാല്‍ വിവരങ്ങള്‍ സമയബന്ധിതമായി പ്രധാനാധ്യപകര്‍ നല്‍കേണ്ടതാണ്

7. ഓണ്‍ലൈന്‍ ഡിജിറ്റല്‍ ഉപകരണങ്ങള്‍ കുട്ടികള്‍ക്ക് ലഭ്യമാക്കാന്‍ വിദ്യാലയങ്ങള്‍ പരമാവധി നന്നായി പ്രവര്‍ത്തിച്ചു. കൂടുതല്‍ കുട്ടികള്‍ക്ക് ലഭ്യമാക്കാന്‍ വിദ്യാലയവുമായി ബന്ധപ്പെട്ട ഏജന്‍സികളെ ചേര്‍ത്ത് നിര്‍ത്തുക

8. വിദ്യാലയത്തില്‍ ഓരോ ആഴ്ചയും നടത്തേണ്ട പ്രവര്‍ത്തനങ്ങള്‍ എസ് ആര്‍ ജി , സബ്‍ജക്ട് കൗണ്‍സിലുകള്‍ ഇവ ചേര്‍ന്ന് എല്ലാ വിഭാഗം അധ്യാപകരുടെയും ഇടപെടലുകള്‍ ഉറപ്പാക്കി പ്രവര്‍ത്തനങ്ങള്‍ ആസൂത്രണം ചെയ്യുകയും അവയുടെ മോണിട്ടറിങ്ങ് പ്രധാനാധ്യാപകര്‍ നടത്തേണ്ടതാണ്

9. വാല്യുവേഷന് അധ്യാപകരുടെ പങ്കാളിത്തക്കുറവ് പ്രവര്‍ത്തനങ്ങളെ ബാധിച്ചു. നിസാരകാരണങ്ങള്‍ പറഞ്ഞ് അധ്യാപകര്‍ വിട്ട് നില്‍ക്കുന്നത് ശരിയായ നിലപാടല്ല. വാല്യുവേഷനും സൂപ്പര്‍വിഷനും കോവിഡ് ഡ്യൂട്ടിയും അധ്യാപകരുടെ കൃത്യനിര്‍വഹണത്തിന്റെ ഭാഗമാണ്. പരമാവധി സഹായങ്ങള്‍ ചെയ്ത് കൊടുത്തെങ്കിലും ഒരു വിഭാഗം നിസംഗത പാലിച്ചത് ശരിയായ പ്രവണത അല്ല. ആത്മാര്‍ഥമായി പ്രവര്‍ത്തിച്ച അധ്യാപകരെ അഭിനന്ദിക്കുന്നു. 

10. നാളെ സംസ്കൃതം കൗണ്‍സില്‍ യോഗം ചേരുന്നു. എല്ലാ സംസ്കൃതാധ്യാപകരെയും പങ്കെടുപ്പിക്കണം

11. ഫിറ്റ്‍നസ് സര്‍ട്ടിഫിക്കറ്റ് ലഭ്യമാക്കുന്നതിന് വേണ്ട പ്രവര്‍ത്തനങ്ങള്‍ നടത്തണം

12. പുതിയ നിയമനങ്ങള്‍ക്ക് സാധുത ലഭിക്കുന്ന മുറക്ക് അവരെ ജോയിന്‍ ചെയ്യിപ്പിക്കാവുന്നതാണ്

13. പ്രദേശിക പഠനകേന്ദ്രങ്ങളുടെ ലിസ്റ്റ് ആവശ്യപ്പെട്ടിരുന്നു. ചുരുക്കം വിദ്യാലയങ്ങള്‍ മാത്രമാണ് ലിസ്റ്റ് സമയബന്ധിതമായി നല്‍കിയത്

14. സ്കോളര്‍ഷിപ്പ് ഡേറ്റാ എന്‍ട്രികള്‍ സമയബന്ധിതമായി പൂര്‍ത്തിയാക്കുക

15. അറബിക്ക് പോലെയുള്ള ചില വിഷയങ്ങളില്‍ അധ്യാപകരില്ലാത്ത അവസ്ഥ പരിഹരിക്കുന്നതിന് ഡി ഡി ഇയുടെ ശ്രദ്ധയില്‍പ്പെടുത്തുകയും തുടര്‍നടപടികള്‍ അറിയിക്കുകയും ചെയ്യും

രാമകൃഷ്‍ണന്‍ സാര്‍ (ഡയറ്റ് പ്രതിനിധി)

1. ഓണ്‍ലൈന്‍ പഠനം തുടരുമ്പോള്‍ അവയുടെ പുരേഗതി വിലയിരുത്തുന്നതിനായി നല്‍കിയ ഫോര്‍മാറ്റില്‍ ബന്ധപ്പെട്ട അധ്യാപകര്‍ അതത് ദിവസങ്ങളില്‍ സമര്‍പ്പിക്കണം

2. ഓണ്‍ലൈന്‍ ക്ലാസ് മാര്‍ഗരേഖ പ്രധാനാധ്യാപകര്‍ പരിശോധിക്കണം

3. ഓണ്‍ലൈന്‍‍ ക്ലാസുകളോടൊപ്പം അധ്യാപകരുടെ പിന്തുണാ ക്ലാസുകള്‍ നടത്തണം. ഇതിനുള്ള ആസൂത്രണം ഉണ്ടാവണം.ശക്തമായ തുടര്‍പ്രവര്‍ത്തനങ്ങളും നിരന്തരവിലയിരുത്തലുകളും ഉണ്ടാവണം

4. വിലയിരുത്തല്‍ രക്ഷിതാക്കള്‍ക്കും കുട്ടികള്‍ക്കും ആകര്‍ഷകമാകത്തക്കവിധത്തിലായിരിക്കണം

5. മോണിട്ടറിങ്ങ് സംവിധാനം ശക്തമാക്കുന്നതിന്റെ ഭാഗമായി വിവരശേഖരണം സംസ്ഥാനതലത്തില്‍ നടപ്പിലാക്കുന്നതിന്റെ ഭാഗമായാണ് അധ്യാപകരില്‍ നിന്നും അവലോകന ഫോര്‍മാറ്റുകള്‍ നല്‍കിയിരിക്കുന്നത്

6. പഠനപ്രവര്‍ത്തനങ്ങളില്‍ മികച്ചവ ശേഖരിച്ച് ബന്ധപ്പെട്ടവര്‍ക്ക് കൈമാറണം

7. എല്ലാ തിങ്കളാഴ്ച്ചയും അതിന് മുന്നിലത്തെ ക്ലാസുകള്‍ കുട്ടികള്‍ കണ്ടു എന്നുറപ്പാക്കണം

8. അധ്യാപകകൂട്ടായ്മകള്‍ ശക്തിപ്പെടുത്തുന്നതിന്റെ ഭാഗമായി അധ്യാപകസംഗമങ്ങള്‍ സംഘടിപ്പിച്ച് വരുന്നു. ഹൈസ്‍കൂള്‍ വിഭാഗം സംഗമം ബുധന്‍, വ്യാഴം , വെള്ളി , ശനി ദിവസങ്ങളില്‍ നടക്കും. അധ്യാപകരെ പങ്കെടുപ്പിക്കാന്‍ പ്രധാനാധ്യാപകര്‍ ശ്രദ്ധിക്കണം. 2 ഉപജില്ലകള്‍ വീതമുള്ള സംഗമങ്ങള്‍ ആവും

9. അടുത്ത മൂന്ന് മാസത്തേക്കുള്ള പ്ലാനിങ്ങ് അധ്യാപക സംഗമങ്ങളുടെ ഭാഗമായി സ്കൂള്‍ തലത്തില്‍ ഉണ്ടാവണം

10. മോണിട്ടറിങ്ങ് കാര്യക്ഷമമാക്കി നടത്തുന്നതിന്റെ ഭാഗമായി നടത്തിയ മോണിട്ടറിങ്ങ് ഫോര്‍മാറ്റിലെ വിശദാംശങ്ങള്‍ കഴിഞ്ഞ വര്‍ഷം പ്രഥമാധ്യാപകര്‍ക്ക് നല്‍കിയിരുന്നില്ല. പ്രഥമാധ്യാപകര്‍ നല്‍കുന്ന ഇ-മെയില്‍ ഐ ഡിയില്‍ ലഭിക്കുന്ന രീതിയിലാണ് ഇത് തയ്യാറാക്കിയിരിക്കുന്നത്യ പ്രഥമാധ്യാപകര്‍ ഓരോ ആഴ്ചയിലും എത്ര അധ്യാപകര്‍ നല്‍കി എന്നത് അവര്‍ക്ക് നല്‍കിയ മാതൃകയില്‍ നല്‍കണം.

11. പ്രഥമാധ്യാപകര്‍ നല്‍കുന്ന വിവരങ്ങള്‍ ബി ആര്‍സിയിലേക്ക് ആവും പോവുക

12. നിലവിലെ പ്രശ്നങ്ങള്‍ക്ക് പരിഹാരമായില്ലെങ്കില്‍ അത് സ്‍കൂള്‍തലത്തില്‍ ലഭ്യമാക്കുന്നതിന് സംവിധാനം ഉണ്ടാവും

13. അധ്യാപകര്‍ നല്‍കുന്ന വിലയിരുത്തല്‍ ഫോര്‍മാറ്റുകള്‍ പ്രധാനാധ്യാപകരുടെ ആവശ്യം പരിഗണിച്ച് എക്സല്‍ ഫോര്‍മാറ്റില്‍ ലഭ്യമാക്കും

ശ്രീ രാമദാസ് സാര്‍

1. ടി സി ഇല്ലാതെ പ്രവേശനം നേടുന്ന വിദ്യാര്‍ഥികളുടെ സമ്പൂര്‍ണ്ണ എന്‍ട്രിക്കുള്ള അപേക്ഷ നിശ്ചിത മാതൃകയില്‍ വ്യാഴാഴ്ച്ചക്ക് മുമ്പ് ഹാര്‍ഡ് കോപ്പി സമര്‍പ്പിക്കണം

2. എസ് എസ് എല്‍ സി കണ്ടിന്‍ജന്‍സി രേഖകള്‍ അടുത്ത തിങ്കളാഴ്ക്കുള്ളില്‍ ഡി ഇ ഒയില്‍ സമര്‍പ്പിക്കണം

3. സ്കോളര്‍ഷിപ്പിന്റെ പൈസ ലഭിച്ചവര്‍ യു സി ഉടനെ സമര്‍പ്പിക്കണം.

• പ്രധാനാധ്യാപകര്‍ വിദ്യാലയത്തിലെ എല്ലാ ക്ലാസ് ഗ്രൂപ്പുകളിലും വിദ്യാലയവുമായി ബന്ധപ്പെട്ട എല്ലാ ഗ്രൂപ്പുകളിലും അംഗമാവണം

• വിവരാവകാശവുമായി ബന്ധപ്പെട്ട സംശയങ്ങള്‍ക്ക് പരിഹാരമായി നിര്‍ദ്ദേശങ്ങള്‍ ഗ്രൂപ്പില്‍ നല്‍കും

• എച്ച് എം ഫോറത്തിന്റെ നിലവിലെ ഗ്രൂപ്പുകള്‍ പുനസംഘടിപ്പിക്കും

• അധ്യാപകരുടെ വിലയിരുത്തല്‍ മാതൃകകള്‍ സമര്‍പ്പിക്കുന്നതിനായി സാധിക്കുമെങ്കില്‍ പുതിയൊരു മെയില്‍ ഐ ഡി തയ്യാറാക്കി അതിലേക്ക് സമര്‍പ്പിക്കുന്നത് സ്കൂള്‍ മെയിലില്‍ അവ നിറയുന്നതിന് പരിഹാരമാകും

യോഗാവസാനം ശ്രീ സുജിത്ത് നന്ദി പ്രകാശിപ്പിച്ചു

e-grantz - സഹായം

 വിദ്യാലയങ്ങളില്‍ മുമ്പ് പണമായി വികരണം ചെയ്‍ത പല സ്കോളര്‍ഷിപ്പുകളും ഇപ്പോള്‍ ഓണ്‍ലൈനായി വിദ്യാര്‍ഥികളുടെ അക്കൗണ്ടിലേക്ക് നേരിട്ട് കൈമാറുന്ന രീതിയാണല്ലോ നിലവിലുള്ളത്. വിവിധ വകുപ്പുകള്‍ നല്‍കി വന്നിരുന്ന ലംപ്‍സംഗ്രാന്റുകള്‍ ഏകീകരിച്ച്  egrantz എന്ന പോര്‍ട്ടല്‍ മുഖേനയാണ് വിതരണത്തിനുള്ള പ്രവര്‍ത്തനങ്ങള്‍ നടത്തേണ്ടത്. ഈ സൈറ്റില്‍ പ്രവേശിക്കുന്നതിന് രണ്ട് വ്യത്യസ്ത ലോഗിനുകളാണ് ഉള്ളത്. 

1) Clerk Login 2) Principal Login

www.egrantz.kerala.gov.in എന്ന സൈറ്റില്‍ ക്ലര്‍ക്ക് ആയി ജോയിന്‍ ചെയ്താല്‍ ലഭിക്കുന്ന ലിങ്കിലൂടെ നടത്താവുന്ന പ്രവര്‍ത്തനങ്ങള്‍  

 

a) Add New Student   b) Promote Student List   c)Student Admission from Other School   d) Apply for Scholarship(New)     e) Update Student Mark  f) Edit Student Details എന്നിവയാണ്. ഇവ ഓരോന്നിലും ചെയ്യാവുന്ന പ്രവര്‍ത്തനങ്ങള്‍ ചുവടെ

1. Add New Student  : ഒരു വിദ്യാര്‍ഥിയെ പുതുതായി egrantz സൈറ്റില്‍ ഉള്‍പ്പെടുത്തുന്നതിനുള്ള മെനുവാണിത്. പുതുതായി കുട്ടികളെ രജിസ്റ്റര്‍ ചെയ്യുന്നതിന് Add New Student എന്നതില്‍ ക്ലിക്ക് ചെയ്യുക. ഇപ്പോള്‍ ലഭിക്കുന്ന ലിങ്കില്‍ കുട്ടിയുടെ ആധാര്‍ നമ്പരും ആധാര്‍ കാര്‍ഡിലേത് പോലെ തന്നെ പേരും ചേര്‍ത്ത ശേഷം Validate Aadhaar എന്നതില്‍ ക്ലിക്ക് ചെയ്യുക.
    
    
   വിശദാംശങ്ങള്‍ ശരിയെങ്കില്‍ താഴെക്കാണുന്ന മാതൃകയിലുള്ള ജാലകം ലഭിക്കും
   

   
   

ഒ.ഇ.സി വിദ്യാഭ്യാസാനുകൂല്യം: സ്‌കൂളുകൾ വിവരങ്ങൾ ലഭ്യമാക്കണം

 സംസ്ഥാനത്തെ സർക്കാർ/ എയ്ഡഡ്/ അംഗീകൃത അൺ എയ്ഡഡ്/ സി.ബി.എസ്.ഇ, ഐ.സി.എസ്.ഇ അഫിലിയേറ്റഡ് സ്‌കൂളുകളിൽ ഒന്നു മുതൽ 10 വരെ ക്ലാസുകളിൽ പഠിക്കുന്ന ഒ.ഇ.സി വിദ്യാഭ്യാസാനുകൂല്യത്തിന് അർഹരായ വിദ്യാർഥികളുടെ വിവരങ്ങൾ സ്‌കൂൾ അധികൃതർ www.egrantz.kerala.gov.in ലൂടെ ജൂൺ 25 നകം പിന്നാക്ക വിഭാഗ വികസന വകുപ്പിന് ലഭ്യമാക്കണം. അർഹമായ തുക വിദ്യാർഥികളുടെ ബാങ്ക് അക്കൗണ്ടിലേക്ക് നൽകും. വിശദ വിവരങ്ങൾ  ഉൾക്കൊള്ളുന്ന സർക്കുലർ  ചുവടെ ലിങ്കിലും ഇ-ഗ്രാന്റ്‌സ് പോർട്ടലിലും   ലും പ്രസിദ്ധീകരിച്ചിട്ടുണ്ട്. കൂടുതൽ വിവരങ്ങൾക്ക് പിന്നാക്ക വിഭാഗ വികസന വകുപ്പിന്റെ മേഖലാ ഓഫീസുകളുമായി ബന്ധപ്പെടണം. ഫോൺ: എറണാകുളം മേഖലാ ഓഫീസ്-0484 2429130, കോഴിക്കോട് മേഖലാ ഓഫീസ്- 0495 2377786.

Click Here for the Circular 

Click Here for e-grantz Portal 

Click Here for OEC List 

OEC ആനുകൂല്യമുള്ള OBC വിഭാഗങ്ങളുടെ ലിസ്റ്റ് ഇവിടെ

 

ഗൂഗിള്‍ മീറ്റ് വഴി നടന്ന എച്ച് എം കോണ്‍ഫറന്‍സ് ഡോക്യുമെന്റേഷന്‍ 27-05-2021

 

02. 10 : എച്ച് എം ഫോറം കണ്‍വീനര്‍ ശ്രീ സുരേഷ് സര്‍ സ്വാഗതം ആശംസിച്ചു.

ഡി ഇ ഒ:

• DGEയോഗത്തില്‍ നല്‍കിയ നിര്‍ദ്ദേശങ്ങള്‍ പങ്കുവെക്കുന്നതാണ് ഈ യോഗം

• പുതിയഅദ്ധ്യയനവര്‍ഷത്തിന് തുടക്കം കുറിക്കാനായി വെര്‍ച്വല്‍ പ്രവേശനോല്‍സവം - മുഴുവന്‍ കുട്ടിള്‍ക്ക് ‍ പങ്കെടുക്കാന്‍ കഴിഞ്ഞില്ലെങ്കിലും പരിമിതികള്‍ക്കുള്ളില്‍നിന്നുകൊണ്ട് ചടങ്ങുകള്‍ക്ക് കുറവില്ലാതെ വെര്‍ച്വലായി സംഘടിപ്പിക്കേണ്ടതാണ്.

• ഇതിനായി സ്റ്റാഫ് മീറ്റിംഗ്, SRGയോഗം, PTA, SMCഎന്നിവരെ ഉള്‍പ്പെടുത്തി ആലോചനായോഗം നടത്തേണ്ടതാണ്. ‍

• സംസ്ഥാനതല പ്രവേശനോല്‍സവം 10 മണിക്കു്- അതിനുശേഷം പതിനൊന്നുമണിക്ക് സ്കൂള്‍ തല പ്രവേശനോല്‍സവം - ജനകീയമാക്കാന്‍ പ്രാദേശികരായ സാംസ്കാരിക പ്രവര്‍ത്തകര്‍, ജനപ്രതിനിധികള്‍ എന്നിവരെയും പ്രമുഖരുടെ ശബ്ദസന്ദേശങ്ങളും ഉള്‍പ്പെടുത്താം. പുതിയ കുട്ടികളുടെ ഫോട്ടോകള്‍ ശേഖരിച്ച് ആശംസാ കാര്‍ഡുകള്‍ തയ്യാറാക്കി അവരെ പരിചയപ്പെടുത്തുമ്പോള്‍ പ്രദര്‍ശിപ്പിക്കാം - കുട്ടികള്‍ക്കായിരിക്കണം പ്രാധാന്യം - ഓണ്‍ലൈന്‍ അസംബ്ലി നടത്താം - കുട്ടികളുടെ സര്‍ഗ്ഗാത്മകമായ പ്രവര്‍ത്തനങ്ങള്‍ പ്രദര്‍ശിപ്പിക്കാം.- കുട്ടികള്‍ക്ക് സാധ്യമാകുമെങ്കില്‍ വീടുകളില്‍ പ്രവേശനോല്‍സവം സംഘടിപ്പിക്കാം - പ്രീപ്രൈമറി ക്ലാസ്സുകള്‍ ഉണ്ടെങ്കില്‍ അവരെയും ഉള്‍പ്പെടുത്താം.

• ജൂണ്‍ ഒന്നിനുതന്നെ ഡിജിറ്റല്‍ ക്ലാസ്സ് റൂം തുടങ്ങുന്നതാണ്. ആദ്യത്തെ രണ്ടാഴ്ച Bridge course ആയാണ് നടത്തേണ്ടത് - ഇതിനുള്ള പരിശീലനം അദ്ധ്യാപകര്‍ക്ക് നല്‍കുന്നതായിരിക്കും - നിര്‍ദ്ദേശങ്ങള്‍ വരും - കുട്ടികള്‍ക്ക് മാനസിക പിന്തുണ നല്‍കണം -സമൂഹത്തോടുള്ള പ്രതിബദ്ധത മറന്നുകൂടാ. TV/Mobileഇല്ലാത്ത കുട്ടികളുടെ ലിസ്റ്റ് BRCകളില്‍ എത്തിക്കേണ്ടതാണ്. മുഴുവന്‍ അദ്ധ്യാപകരും പങ്കാളികളാകണം. - ഓരോ അദ്ധ്യാപകന്റേയും ഓരോ ക്ലാസ്സിന്റേയും പ്രവര്‍ത്തനങ്ങള്‍ കൃത്യമായി വിലയിരുത്തുന്നതാണ്.

• കുട്ടികളുടെ മികവുകളുടെ ശേഖരം തയ്യാറാക്കാം. മികവുകള്‍ രേഖപ്പെടുത്തുന്നതിന് അദ്ധ്യാപകര്‍ക്ക് ചാര്‍ജ്ജ് നല്‍കാവുന്നതാണ്. മികച്ചവ യുടെ വിശദാംശങ്ങള്‍ രേഖപ്പെടുത്തി നല്‍കിയതിന് DGE നേരിട്ട് അഭിനന്ദിക്കുന്നു എന്നത് ഒരു കുട്ടിക്ക് ലഭിക്കാവുന്ന ഏറ്റവും വലിയ പ്രോല്‍സാഹനമാണ്.

• സ്കൂള്‍ അദ്ധ്യാപകര്‍ നടത്തുന്ന ഓണ്‍ലൈന്‍ ക്ലാസ്സ് പ്രധാന അദ്ധ്യാപകര്‍ ശ്രദ്ധിക്കേണ്ടതാണ്.

• ജൂണ്‍ പത്തിനകം ഓണ്‍ലൈന്‍ അദ്ധ്യാപകസംഗമം നടത്തുന്നതാണ്.

• അദ്ധ്യാപകരുടെ കുറവുണ്ടങ്കില്‍ BRCയുമായി ബന്ധപ്പെടാം.

• സ്കൂള്‍ ക്യാമ്പസ് വൃത്തിയാക്കേണ്ടതാണ്.

• May30വരെ അഡ്മിഷന്‍ നല്‍കിയ കുട്ടികളുടെ ലിസ്റ്റ് തയ്യാറാക്കണം.

• TCനല്‍കുമ്പോള്‍ പ്രൊമോഷന്‍ നല്‍കിയ തിയ്യതി 25/05/2021എന്നാണ് നല്‍കേണ്ടത്.

DIET Faculty – രാമകൃഷ്ണന്‍ സര്‍:

• ഈ വര്‍ഷത്തെ ഓണ്‍ലൈന്‍ ക്ലാസ്സിനെക്കുറിച്ചുള്ള സംസ്ഥാനതല നിര്‍ദ്ദേശങ്ങള്‍ക്കനുസരിച്ചാവും പ്രവര്‍ത്തനങ്ങള്‍.

• തുടര്‍ന്ന് DIETന്റെ നേതൃത്വത്തില്‍ ഓണ്‍ലൈന്‍ ക്ലാസ്സ്, INTERBELLഎന്നിവയെക്കുറിച്ച് അദ്ധ്യാപകരുടെ അഭിപ്രായം, ഫീഡ്ബാക്ക് എന്നിവയുടെ വിവരശേഖരണം നടത്തിയതിന്റെ വിപുലമായ വിശകലനം പ്രസന്റേഷനായി സ്ക്രീനില്‍ പ്രദര്‍ശിപ്പിച്ചു. പ്രസ്തുത പ്രസന്റേഷന്‍ ഡി ഇ ഒ സര്‍ മുഖേന പ്രധാന അദ്ധ്യാപകര്‍ക്ക് ലഭ്യമാക്കാമെന്നറിയിച്ചു.

ഡി ഡി ഇ :

• പ്രവേശനോല്‍സവം ജനകീയമാക്കണം - മൂന്നു ലെവല്‍ ആണ് - സംസ്ഥാനതലം - സ്കൂള്‍ തലം - സാധിക്കുമെങ്കില്‍ വീടുകളില്‍

• ഇതിനായി പ്രധാന അദ്ധ്യാപകര്‍ സ്റ്റാഫ് മീറ്റിംഗ്, SRGയോഗം, നടത്തി PTA, SMCഎന്നിവരെ ഉള്‍പ്പെടുത്തി ആലോചനായോഗം നടത്തേണ്ടതാണ്. ‍

• ഇത്തവണ സ്കൂളിലെ അദ്ധ്യാപകര്‍ തന്നെ കുട്ടികള്‍ക്ക് ഓണ്‍ലൈന്‍ ക്ലാസ്സ് നല്‍കേണ്ടതാണ് -ഓണ്‍ലൈന്‍ ക്ലാസ്സിന്റെ ടൈം ടേബിള്‍ പ്രധാന അദ്ധ്യാപകന്‍ തയ്യാറാക്കേണ്ടതാണ് - കുട്ടികള്‍ക്ക് മാനസികോന്മേഷം നല്‍കുന്നതരത്തില്‍ ഇടപെടേണ്ടതാണ് - അദ്ധ്യാപകര്‍ ആരും തന്നെ വിട്ടുനില്‍ക്കരുത് - പ്രധാന അദ്ധ്യാപകന്‍, അദ്ധ്യാപകര്‍, സ്കൂളില്‍ എത്തേണ്ടതാണ്. കൂടുതല്‍ വിശദാംശങ്ങള്‍ പിന്നീട് അറിയിക്കുുന്നതാണ്.

• ഓരോ ക്ലാസ്സ് അദ്ധ്യാപകനും മെയ് 26 മുതല്‍ 30 വരെ കുട്ടികളെ വിളിച്ച് വിശദമായ റിപ്പോര്‍ട്ട് പ്രധാന അദ്ധ്യാപകന് നല്‍കണം - പ്രധാന അദ്ധ്യാപകന്‍ മെയ് 30 ന് വിദ്യാഭ്യാസ ഓഫീസര്‍മാര്‍ക്ക് നല്‍കേണ്ടതാണ്.

• മെയ് 19മുതല്‍ അഡ്മിഷന്‍ ആരംഭിച്ചതാണ്. May30വരെ അഡ്മിഷന്‍ നല്‍കിയ കുട്ടികളുടെ ലിസ്റ്റ് തയ്യാറാക്കണം.

• കോവിഡ് കാലത്തെ മികവുകള്‍ രേഖപ്പെടുത്തണം - അവ KITEമുഖേന DGEക്ക് ലഭ്യമാകുന്നതാണ്.

• ഭക്ഷ്യ കിറ്റ്, പുസ്തകം, യൂണിഫോം എന്നിവ കോവിഡ് മാനദണ്ഡങ്ങള്‍ അനുസരിച്ച് വിതരണം ചെയ്യേണ്ടതാണ്.

• കോവിഡ് മൂലം ഒറ്റപ്പെട്ട കുട്ടികളുണ്ടെങ്കില്‍ വിവരങ്ങള്‍ വിദ്യാഭ്യാസ ഓഫീസര്‍മാര്‍ക്ക് നല്‍കേണ്ടതാണ്.

പ്രധാന അദ്ധ്യാപകര്‍ ഉന്നയിച്ച എല്ലാ സംശയങ്ങള്‍ക്കും ബഹു. ഡിഡിഇ സംശയനിവാരണം നടത്തി.

സുജിത്ത് സര്‍ നന്ദി പ്രകാശിപ്പിച്ചതോടുകൂടി യോഗം 4.05 ന് സമാപിച്ചു.

Promotion , TC , Online Admission വിദ്യാലയങ്ങളില്‍ നടത്തേണ്ട തുടര്‍പ്രവര്‍ത്തനങ്ങള്‍

 

2021 മെയ് 21ന് നടന്ന പ്രധാനാധ്യാപകയോഗത്തിന്റെ അടിസ്ഥാനത്തില്‍ നടത്തേണ്ട പ്രവര്‍ത്തനങ്ങള്‍

1. പ്രമോഷന്‍

   1. സ്കൂള്‍ തലത്തില്‍ ഓരോ ക്ലാസിലെയും കുട്ടികളുടെ പേരുകള്‍ ഉള്‍പ്പെട്ട ലിസ്റ്റ് തയ്യാറാക്കി പേരിന് നേരെ Promotedഎന്നെഴുതി സ്കൂളില്‍ സൂക്ഷിക്കുക.(ഒരു കുട്ടിയെയും തോല്‍പ്പിക്കരുത്).മാതൃക ചുവടെ ക്ലാസ് ഡിവിഷന്‍

      
      

      Sl No	Admn No	Name Of Student	Promoted/Detained	Remerks
      			Promoted
      			Promoted
      			Promoted
      			Promoted

   2. 25ന് ഡി ഇ ഒ ഓഫീസില്‍ നിന്നും ലഭിക്കുന്ന Google Formല്‍ വിദ്യാലയത്തിലെ പ്രവേശനവുമായി ബന്ധപ്പെട്ട വിശദാംശങ്ങള്‍ രേഖപ്പെടുത്തി Submit ചെയ്യുക

   3. സമ്പൂര്‍ണ്ണയില്‍ പുതിയ ഡിവിഷന്‍ Create ചെയ്ത് കുട്ടികളെ ആ ഡിവിഷനുകളിലേക്ക് പ്രമോട്ട് ചെയ്യുക

   4. പ്രമോട്ട് ചെയ്ത വിവരം കുട്ടികളെ 26 മുതല്‍ 30 വരെ തീയതികളില്‍ ഫോണ്‍ വിളിക്കുമ്പോള്‍ അറിയിക്കുക

2. റിപ്പോര്‍ട്ട് തയ്യാറാക്കല്‍

   1. മെയ് 26 മുതല്‍ 30 വരെ തീയതികളില്‍ ഓരോ അധ്യാപകരും തങ്ങള്‍ പഠിപ്പിക്കുന്ന കുട്ടികളെ ഫോണില്‍ ബന്ധപ്പെട്ട് കുട്ടികളുടെ പഠന നിലവാരവും മാനസികവും വൈകാരികവുമായ പ്രശ്നങ്ങള്‍ ചോദിച്ചറിയുകയും അവ രേഖപ്പെടുത്തുകയും ചെയ്യുക..

Online School Admission & TC 2021-22

 

      ലോക്ക്‍ഡൗണ്‍ കാലത്തെ പ്രയാസങ്ങളും തിരക്കും ഒഴിവാക്കുന്നതിനായി സംസ്ഥാനത്തെ വിദ്യാലയങ്ങളിലേക്ക് ഓണ്‍ലൈനായി പ്രവേശന നടപടികള്‍ നടത്തുന്നതിന് വിദ്യാഭ്യാസ വകുപ്പ് അനുവാദം നല്‍കി. ഇതിന്റെ ഭാഗമായി സമ്പൂര്‍ണ വെബ്‍സൈറ്റിലൂടെ രക്ഷകര്‍ത്താക്കള്‍ക്ക് അവര്‍ക്ക് താല്‍പര്യമുള്ള വിദ്യാലയങ്ങളിലേക്ക് ഓണ്‍ലൈനായി അപേക്ഷ സമര്‍പ്പിക്കാവുന്നതാണ്. മെയ് 19മുതല്‍ ഒന്നാം ക്ലാസ് വിദ്യാര്‍ഥികളുടെയും തുടര്‍ന്ന്  ക്ലാസ് തല പ്രമോഷന്‍ നടപടികള്‍ പൂര്‍ത്തിയായ ശേഷം മെയ് 26 മുതല്‍ മറ്റ് ക്ലാസുകളുടെയും അഡ്‍മിഷന്‍ ആരംഭിക്കും. ഓണ്‍ലൈന്‍ അഡ്‍മിഷനുമായി ബന്ധപ്പെട്ട സര്‍ക്കുലറുകളും ഹെല്‍പ്പ് ഫയലുകളും കൈറ്റ് പുറത്തിറക്കിയത് ചുവടെ ലിങ്കുകളില്‍ .

    ഓണ്‍ലൈന്‍ മുഖേന ലഭിക്കുന്ന അപേക്ഷകളില്‍ പ്രധാനാധ്യാപകരുടെ ലോഗിന്‍ മുഖേന സമ്പൂര്‍ണ്ണയില്‍ പ്രവേശിച്ച് Willingness നല്‍കുകയും അവരെ താല്‍ക്കാലികമായി പ്രവേശനം നടത്തുകയും വേണം. ഏതെങ്കിലും കാരണവശാല്‍ അപേക്ഷ നിരസിച്ചാല്‍ നിരസിക്കുന്നതിനുള്ള കാരണം വ്യക്തമാക്കണം. വിദ്യാലയം സ്വീകരിക്കുന്ന നടപടി അപേക്ഷകന് Acknowledgement  ആയി മൊബൈലില്‍ ലഭിക്കും. ഓണ്‍ലൈന്‍ സംവിധാനം ലഭ്യമല്ലാത്ത വിദ്യാര്‍ഥികള്‍ക്ക് ഫോണിലൂടെ പ്രവേശനത്തിന് വേണ്ട സൗകര്യങ്ങള്‍ വിദ്യാലയം ഒരുക്കണം എന്നും സര്‍ക്കുലറില്‍ നിര്‍ദ്ദേശിച്ചിട്ടുണ്ട്

 

Click Here for DGE Circular on Promotion & Admission etc 

Click Here for KITE Circular 

Click Here for Video Tutorial for Online Application